करमाळा प्रतिनिधी रेल्वे स्थानकावर एक्सप्रेस गाड्यांना थांबा देण्याचे मागणी बाबत नुकताच एल्गार मोर्चा पार पडला. तसेच पोमलवाडी ता- करमाळा ते चांडगाव ता- इंदापुर दरम्यान उजनीचे पाण्यावर पुलाची निर्मिती व्हावी याकरीता मागणी जोर धरत असुन, यासाठी नुकतीच खासदार रणजितसिंह नाईक निंबाळकर यांची भेट घेतली. पारेवाडी रेल्वे स्थानकावर दोन ते तीन महिन्यात एक्सप्रेस गाडीला थांबा मिळेल अशी ग्वाही याप्रसंगी खासदारांनी दिली असुन, चांडगाव ते पोमलवाडी दरम्यानचे पुलामुळे मराठवाडा ते पश्चिम महाराष्ट्र हे भाग जोडण्यासाठीचा पर्यटन मार्ग होणार असुन यासाठी आपण निश्चित प्रयत्नशील राहुन मदत करणार असलेबाबत सांगितले. या महत्वपुर्ण चर्चेदरम्यान भारतीय जनता पक्षाचे बारामती व सातारा येथील पदाधिकारी देखिल उपस्थित होते. या चर्चेसाठी खासदार रणजितसिंह नाईक निंबाळकर यांचे निवासस्थानी शिवसेनेचे माजी जिल्हाप्रमुख सुर्यकांत पाटील, बारामती येथील पुणे जिल्हा भाजयुमो चे माजी अध्यक्ष व भाजपा सहकार आघाडीचे शिवाजीराव निंबाळकर, साताराचे उद्योगपती सुरेंद्रजी काकडे, उद्योगपती व सातारा कुस्तीगीर संघाचे सचिव जीवनजी कापले, सोलापुर जिल्हा दुध संघाचे सदस्य राजेंद्रसिंह पाटील, केत्तुरचे माजी सरपंच ॲड. अजित विघ्ने. उपस्थित होते. या बैठकीत झालेल्या चर्चेमुळे दोन्ही कामांबाबत सकारात्मक पाऊले उचलली जातील व महत्वांकाक्षी कामांमुळे विकासाला चालना मिळणार आहे. तसेच भविष्यात तरुणांना रोजगाराच्या संधी उपलब्ध होणार आहेत. या पुलामुळे इंदापुर व शेजारील गावे देखिल पारेवाडी रेल्वे स्टेशनच्या हाकेच्या अंतरावर येणार असुन, अनेक तरुणांना लोणी देवकर, इंदापुर येथील एमआयडीसी मधे सुलभतेने जाता येणार आहे. ऊसाचे वाहतुकीसह, पर्यटनाला संधी मिळणार असुन, शैक्षणिक व आरोग्याचे सुविधा देखिल तातडीने मिळणार आहेत. हा पुल झाल्यास इंदापुर ते संभाजीनगर चे अंतर हे केवळ१२५ किमी वर येणार असुन, शेतकऱ्यांचे शेतमालाला जवळच्या इंदापुर, बारामती, फलटण, अकलुज या बाजारपेठा उपलब्ध होणार आहेत. पोमलवाडी ते चांडगाव ला जोडणाऱ्या पुलाची सर्वात कमी लांबी असुन सध्या या ठिकाणी लाँच द्वारे वाहतुक होताना दिसते. या भागातील मासेमारीचा धंदा देखिल तेजीत असुन त्यांनाही मोठी बाजारपेठ उपलब्ध होणार आहे. यासाठी पोमलवाडी, चांडगाव या ग्रामपंचायतीसह जवळपास वीस ते पंचवीस गावांचे ठराव देखिल निवेदना सोबत जोडलेले आहेत.