करमाळा नगरपरिषदेने भटक्या कुत्र्याचा बंदोबस्त करावा सुनील बापू सावंत

करमाळा प्रतिनिधी 
करमाळा नगरपरिषदेने शहरात मोकाट फिरणारे भटक्या कुत्र्याचा बंदोबस्त करावा अन्यथा शुक्रवार दिनांक २४ नोव्हेंबर रोजी सकाळी अकरा वाजता करमाळा नगरपालिका मध्ये भटके कुत्रे आणुन सोडु असा इशारा सोलापुर जिल्हा काॅग्रेस चे माजी सरचिटणीस सुनील बापू सावंत यांनी लेखी निवेदनाव्दारे मुख्याधिकारी बालाजी लोंढे यांना दिले आहे.
यावेळी दिलेल्या निवेदनात म्हटले आहे की,करमाळा शहरात मोकाट कुत्रांची संख्या दिवसेंदिवस वाढत चालली असुन शहरातील गल्ली बोळात असणारे भटके कुत्रे लहान मुलांना चावत आहे तर रात्री अपरात्री नागरीकांना रस्त्यावरुन जाताना अंगावर येऊन जखमी करत असल्याचे शहरात दिसत आहे आता शाळा सुरु होणार असुन लहान लहान मुले शाळेत जाताना भटके कुत्रे मुलांवर हल्ला करण्याची शक्यता नाकारता येणार नाही त्यामुळे वेळीच या भटक्या कुत्र्याचा बंदोबस्त करावा तसेच सदर कुत्र्याचे निंर्बीजीकरण करण्यात यावे असे या निवेदनात म्हटले आहे सदर निवेदनाची प्रत जिल्हाधिकारी सोलापुर व पोलीस निरीक्षक करमाळा यांना दिले आहे.