दत्तकला शिक्षण संस्थेचा 17 वा वर्धापन दिनानिमित्त विविध कार्यक्रमांचे आयोजन

करमाळा प्रतिनिधी

पुणे जिल्ह्यातील अग्रगण्य शिक्षण संस्था म्हणून अल्पावधीतच नावारूपाला आलेली शिक्षण संस्था म्हणून दत्तकला शिक्षण संस्थेचे नाव झाले आहे.

संस्थेचा 17 वा वर्धापन शिक्षण संस्थेचे संस्थापक अध्यक्ष प्रा. रामदास झोळ, उपाध्यक्ष राणा दादा सूर्यवंशी, सचिव माया झोळ यांनी केक कटिंग करून साजरा केला.

प्रा. झोळ सरांनी संस्थेची वाटचाल कशा कठीण परिस्थितीत झाली हे सांगितले. स्पर्धेच्या युगात जर टिकायचे असेल तर शिक्षकांनी नवीन गोष्टी अंगिकारून मुलांना त्या पध्दतीने शिक्षण दिले तरच संस्थेचे नाव होणार आहे व स्पर्धेत संस्था टिकून राहणार आहे. आपल्या संस्थेच्या विविध विभागांमध्ये जवळपास 5000 हजार विद्यार्थी शिक्षण घेत आहेत. ही पोच आपल्या संस्थेला कमी कालावधी मध्ये मिळाली आहे असे त्यांनी सांगितले.संस्थे मध्ये मुलांना आज संगीत, नृत्य, जादूचे प्रयोग इत्यादी कार्यक्रमांचे आयोजन केले होते.या कार्यक्रमाला संस्थेचे प्रशासकीय अधिकारी डॉ.विशाल बाबर स्कूल विभागाच्या डायरेक्टर नंदा ताटे, ज्युनिअर कॉलेजच्या प्राचार्या सिंधू यादव व सर्व शिक्षक व शिक्षकेत्तर कर्मचारी उपस्थित होते.