करमाळ्यात तुरीला उच्चांकी १००६६ रु प्रतिक्विंटल दर – माजी आमदार जयवंतराव जगताप :

करमाळा प्रतिनिधी करमाळा कृषी उत्पन्न बाजार समितीमधे शुक्रवारी तुरीला उच्चांकी १०,०६६ रु . प्रतिक्विंटल दर मिळाला असून शेतकऱ्यांनी आपली तूर करमाळा बाजार समितीत विक्रीस आणावी असे आवाहन माजी आमदार तथा बाजार समितीचे सभापती जयवंतराव जगताप यांनी केले आहे . याबाबत अधिक माहिती देताना माजी आ .जगताप यांनी सांगितले कि , शुक्रवारी करमाळा येथे पांढऱ्या तुरीची तब्बल २००० कट्टे आवक झाली असून १००६६ / – रू प्रति क्विंटल इतका उच्चांकी दर मिळाला असून सरासरी ९८०० / – रू . तुरीला दर मिळाला आहे . त्याचबरोबर ज्वारीला कमाल ५४८१ / – सरासरी ४२०० / – रु . दर व हरभऱ्याला कमाल ५००१ / – सरासरी ४८५१/- दर मिळाला आहे .करमाळा बाजार समितीचा गेली ७५ वर्षापासून भुसार शेतमाल विक्रीसाठी विश्वसनीय बाजार पेठ म्हणून आसपासच्या ४ते ५ जिल्ह्यात लौकिक आहे . शेतकऱ्यांसमक्ष उघड लिलाव , २४ तासात मापे व मालविक्रीची पट्टी मिळत असल्यामुळे करमाळ्यात तुर , ज्वारी , उडीद , हरभरा , मका , बाजरीची आवक मोठ्या प्रमाणात होते . चालू हंगामात शेतकऱ्यांच्या शेतमालाला हमीभावापेक्षा जादा दर मिळत असून शेतकऱ्यांनी आपला शेतमाल विक्रीस आणावा असे आवाहन माजी आमदार जयवंतराव जगताप यांनी केले आहे .