करमाळा तालुकास्तरीय इंग्रजी भाषा कार्यशाळेचे यशकल्याणी सेवाभवन येथे आयोजन……… विद्यार्थी व शिक्षकांना होणार प्रतिथयश तज्ञांचे मार्गदर्शन..

करमाळा प्रतिनिधी करमाळा तालुकास्तरीय इंग्रजी भाषा कार्यशाळेचे यशकल्याणी सेवाभवन येथे आयोजन……… विद्यार्थी व शिक्षकांना होणार प्रतिथयश तज्ञांचे मार्गदर्शन…… यश कल्याणी सेवाभावी संस्था करमाळा, शिक्षण विभाग पंचायत समिती करमाळा व इंग्लीश लँग्वेज टीचर्स असोसिएशन करमाळा यांचे संयुक्त विद्यमाने या कार्यशाळेचे आयोजन करण्यात आलेले आहे. विद्यार्थ्यांसाठी भविष्यातील व्यावसायिक संधी ओळखुन सक्षम विद्यार्थी घडवताना इंग्रजी भाषेची भूमिका अनन्यसाधारण असल्यामुळे शिक्षकांपुढील आव्हाने व उपाययोजना तसेच विद्यार्थ्यामध्ये आत्मविश्वास वाढावा या हेतूने एकदिवसीय कार्यशाळेचे आयोजन करण्यात आलेले आहे. प्रा.डॉ. गणेश करे- पाटील यांचे अध्यक्षतेखाली ही कार्यशाळा संपन्न होणार आहे. या कार्यशाळेमध्ये पाठयपुस्तक निर्मिती व अभ्यास मंडळ पूणे चे सदस्य श्रीधर नागरगोजे , संगमेश्वर महाविद्यालयाचे मा.उपप्राचार्य प्रा.धनप्पा मेत्री , प्रेरक व्याख्यात्या डॉ. सुनिता दोशी , प्रोलक्स कंपनीच्या डायरेक्टर व प्रसिद्ध डॉ. प्रचिती पुंडे या तज्ञांचे बहुमोल मार्गदर्शन लाभणार आहे. सदर कार्यशाळा यशकल्याणी सेवाभवन पूणे रोड, करमाळा येथे सोमवार दि. 29 जानेवारी रोजी सकाळी 9 ते सायं 4 या वेळेत संपन्न होणार असल्याची माहिती असोसिएशनचे प्रसिद्धी प्रमुख प्रा.सुखदेव गिलबिले यांनी दिली.