Categories: करमाळा

गाडगे महाराजांचे तत्त्वज्ञान समाजासाठी प्रेरणादायी असुन  माणसाची मने स्वच्छ करुन समाजाला मानवतेची शिकवण देऊन समाजाला समृद्ध करण्याचे काम दिशादर्शक -फुलचंद नागटिळक

करमाळा प्रतिनिधी गाडगे महाराजांचे तत्त्वज्ञान समाजासाठी प्रेरणादायी असुन  माणसाची मने स्वच्छ करुन समाजाला मानवतेची शिकवण देऊन समाजाला समृद्ध करणारे संत गाडगेबाबा आधुनिक काळातील समाजसुधारक संत होते असे मत आधुनिक संत गाडगेबाबा म्हणून काम करत असलेले फुलचंद नागटिळक यांनी व्यक्त केले.करमाळा येथील यशवंतराव चव्हाण महाविद्यालय राष्ट्रीय सेवा योजना +2 स्तर व ग्रामपंचायत कोर्टी यांच्या संयुक्त विद्यमाने युवकांचा ध्यास…ग्राम व शहर विकास…हे ब्रीद घेऊन मौजे कोर्टी येथे विशेष हिवाळी श्रमसंस्कार शिबीराचे आयोजन करण्यात आले आहे. यावेळी व्याख्यानमालेचे दुसरे पुष्प गुंफताना स्वच्छतेचे दूत असणारे आधुनिक गाडगेबाबा फुलचंद नागटिळक यांनी’ मी गाडगे महाराज बोलतोय’ या विषयावर प्रबोधन पर व्याख्यान दिले. या कार्यक्रमाच्या अध्यक्षस्थानी सरपंच श्रीरंग मेहेर साहेब हे होते. फुलचंद नागटिळक हे आधुनिक गाडगे महाराज आहेत.त्यांनी आपल्या प्रबोधन पर व्याख्यानातून कोर्टी गावातील ग्रामस्थांना स्वच्छतेचा संदेश दिला.तसेच गाडगे महाराजांप्रमाणे कोर्टीतील घराघरात जाऊन स्वच्छतेचे महत्व पटवून दिले.यावेळी गावातील लहान मुले सुद्धा त्यांच्या ‘गोपाला गोपाला देवकीनंदन गोपाला ‘या भजनात दंग होऊन गेली होती.प्रबोधनाच्या माध्यमातून लोकांची मने त्यांनी स्वच्छ केली.याबरोबरच पर्यावरण संवर्धन काळाची गरज, नारीशक्तीचा सन्मान, शेतकरी वाचवा,मुली वाचवा,मुला मुलीच्या शिक्षणाकडे लक्ष द्या, मुले हीच आपली संपत्ती आहेत, दारू पिऊ नका, रीन काढून सण करू नका,अंधश्रद्धेला मूठ माती द्या याबद्दल प्रबोधन केले. तसेच देव दगडात नसून माणसात आहे हे गाडगेबाबांचे तत्त्वज्ञान लोकांच्या गळी उतरवण्याचा त्यांनी प्रयत्न केला.या कार्यक्रमाचे प्रास्ताविक राष्ट्रीय सेवा योजनेचे जिल्हा समन्वयक लक्ष्मण राख यांनी केले तर सूत्रसंचालन सचिन नवले यांनी केले या कार्यक्रमाचे आभार प्राध्यापक डी. एस. जाधव यांनी मानले या कार्यक्रमासाठी मकाईचे संचालक आशिष गायकवाड,उपसरपंच नाना झाकणे, भर्तरीनाथ अभंग,राजेंद्र अभंग महाराज,ग्रामपंचायत सदस्य,गावातील ग्रामस्थ,पदाधिकारी मोठ्या संख्येने उपस्थित होते. हा कार्यक्रम यशस्वी करण्यासाठी प्रा. जयंत भांगे प्रा. मुन्नेश जाधव बाबू चव्हाण यांनी परिश्रम घेतले.

saptahikpawanputra

Recent Posts

दहिगाव उपसा सिंचन योजनेच्या आवर्तनासाठी संजयमामा शिंदे ॲक्शन मोडवर! पालकमंत्री जयकुमार गोरे यांची भेट घेऊन आवर्तन एक महिना अगोदर सुरू करण्याची मागणी

  करमाळा प्रतिनिधी : दहिगाव उपसा सिंचन योजनेच्या आवर्तनाचा प्रश्न मार्गी लावण्यासाठी माजी आमदार संजयमामा…

3 days ago

करमाळा शहरातील दिव्यरत्न सिटी येथे चॅम्पियन क्लब हाऊसच्या वतीने आयोजित क्रिकेट स्पर्धेचे सचिन (मालक) गायकवाड यांच्या हस्ते दिमाखात उद्घघाटन

करमाळा (प्रतिनिधी) : करमाळा शहरातील दिव्यरत्न सिटी येथे चॅम्पियन क्लब हाऊसच्या वतीने आयोजित करण्यात आलेल्या…

5 days ago

ऊसदर आणि अतिवृष्टी अनुदानासाठी १३ नोव्हेंबर रोजी करमाळ्यात शेतकऱ्यांची बैठक; आंदोलनाची दिशा ठरणार – राजाभाऊ कदम

करमाळा प्रतिनिधी करमाळा तालुक्यातील शेतकऱ्यांच्या प्रलंबित प्रश्नांना न्याय मिळवून देण्यासाठी शुक्रवार, दि. १३ नोव्हेंबर २०२६…

6 days ago

दुष्काळात मुक्या जीवांसाठी कै बाबुराव (तात्या) गायकवाड प्रतिष्ठानचा माणुसकीचा झरा सात वर्षांपासून वन्यजीवांसाठी चारा-पाण्याची अखंड सेवा

करमाळा प्रतिनिधी दुष्काळाच्या झळा केवळ माणसांनाच सोसाव्या लागत नाहीत, तर जंगलातील मुके वन्यजीवही पाण्याच्या थेंबासाठी…

7 days ago