माढा लोकसभेला 60%मतदान करमाळा मतदार संघातुन 55%. मतदान

करमाळा प्रतिनिधी माढा लोकसभा मतदारसंघासाठी मंगळवारी (ता. ७) मतदान शांततेत संप्पन झाले. या मतदानासाठी करमाळा विधानसभा मतदार संघांतर्गत येणाऱ्या गावातील ३४२ मतदान केंद्रावर ईव्हीएम मशिनद्वारे मतदान घेण्यात आले. माढा लोकसभा मतदारसंघातील करमाळा मतदार संघातुन 55•83% मतदान झाले आहे.या मतदानासाठी आवश्यक ती सर्व परिपूर्ण तयारी करण्यात आली होती. निवडणूक निर्णय अधिकारी चारुशीला देशमुख मोहिते व तहसीलदार शिल्पा ठोकडे यांनी लोकसभा निवडणुकीची यंत्रणा यशस्वीपणे पार पाडली आहे.दिवेगव्हाण व वाघाचीवाडी ही मतदान केंद्रे संवेदशील असल्याचे ठरवण्यात आली आहेत. निवडणुकीवेळी कोणताही अनुचित प्रकार घडू नये पोलीस निरीक्षक विनोद घुगेसाहेब यांनी ७०० पोलिसांचा चोख बंदोबस्त ठेवला.
उन्हाची तीव्रता लक्षात घेता 139 मतदान केंद्रांवर मंडप टाकण्याची व्यवस्था करण्यात आली होती.मतदारांना पिण्याच्या पाण्यासाठी प्रत्येक मतदान केंद्रावरती करून शुद्धपाणी देण्याची सोय, करण्यात आली असल्याचे तहसिलदार शिल्पाताई ठोकडे यांनी सांगितले .करमाळा विधानसभा मतदारसंघामध्ये 3 लाख 17 हजार 928 मतदार आहेत. या मतदारांपैकी १ लाख 66 हजार 813 पुरुष मतदार आहेत. १ लाख 51जार 114 स्रिया मतदार आहेत. तर १० तृतीयपंथी मतदार आहेत. करमाळा येथील यशवंतराव चव्हाण महाविद्यालयात एक दिव्यांग मतदान केंद्र उभारण्यात आले होते, तर कोंढारचिंचोली व महात्मा गांधी विद्यालय करमाळा येथे आदर्श मतदान केंद्र उभारून या ठिकाणी सर्व यंत्रणा जबाबदारी महिला नी पार पाडली आहे. 342 मतदान केंद्रावर प्रत्येक मतदान केंद्रावर 6 कर्मचारी नेमण्यात आले होते. माढा लोकसभा मतदारसंघातून भारतीय जनता पार्टीची वतीने महायुती कडून विद्यमान खासदार रणजीत नाईक निंबाळकर तर महाविकास आघाडी कडून धैर्यशील मोहिते पाटील यांच्यामध्ये खरी लढत झाली. महायुतीकडून विद्यमान खासदार रणजितसिंह नाईक निंबाळकर यांच्याकरिता भाजप शिवसेना मनसे घटक पक्ष तालुक्याचे आमदार त्यांच्या गटांनी लावलेली ताकद तर महाविकास आघाडीकडून करमाळा तालुक्याचे माजी आमदार नारायण आबा पाटील मोहिते पाटील गट स इंडिया आघाडी करमाळा यांनी लावलेली ताकद यामध्ये कोण सरस ठरणार मतदार राजा नक्की कुणाला कौल देणार हे येणाऱ्या चार जून रोजी कळणार असून नरेंद्र मोदी विरुद्ध शरद पवार अशी एक प्रतिष्ठेची लढाई झाली असून या दोघांचेही भवितव्य मतपेटीत बंद झाले आहे. करमाळा तालुक्यात मतदानाचा आकडा पाहता घसरलेला टक्केवारीचा फटका नक्की कुणाला बसणार हे येणारा निकाल सांगणार आहे.