स्वातंत्र्यानंतर प्रथम एसटी बस नेरले गावात दाखल शेकडो नागरिकांनी उत्साहात केले स्वागत- श्री औदुंबरराजे भोसले

करमाळा प्रतिनिधी नेरले हे गाव सुमारे पाच हजार लोकसंख्येचे परंतु देश स्वतंत्र झाल्यापासून आजपर्यंत लांब पल्ल्याची एकही बस गावात येत नाही.एक मुक्कामी बस रात्री साडे आठला येते व सकाळी सहा ला जाते,नंतर दिवसभर एकही बस नेरले गावाला नाही.त्यामुळे नागरिकांना प्रवास करण्यासाठी खूप त्रास होत होता .नेरले वरून गौंडरेला अनेक विद्यार्थी व नागरिक बँकेच्या कामासाठी शिक्षणासाठी जातात तसेच आवाटी सालसे निमगाव कोळगाव हिसरे हिवरे येथून देखील अनेक विद्यार्थी व नागरिक बँकेचे कामासाठी कोळेगाव प्रकल्पाकडे जाण्यासाठी गौंडरे येथे येतात नागरिकांच्या व विद्यार्थ्यांच्या सोयीसाठी तसेच नागरिकांना कुर्डूवाडी येथून रेल्वेने सोलापूर पुणे मुंबई इतर ठिकाणी जाण्यासाठी व करमाळा येथे शासकीय कामासाठी येणे जाण्यासाठी एसटीची अत्यंत गरज होती .त्यामुळे करमाळा कुर्डूवाडी बस हिसरे कोळगाव निमगाव गौंडरे नेरले वर वरकुटे बारलोणी मार्गे कुर्डूवाडी व त्याच मार्गे परत करमाळा अशी अनेक वर्षे ग्रामस्थांची मागणी होती .त्याप्रमाणे दि.26/08/2024 रोजी बस सुरू करण्यात आली.त्यामुळे नेरले गौंडरे निमगाव हिवरे परिसरातील नागरिकांमध्ये आनंदाचे वातावरण आहे.त्यामुळे अधिकारी कर्मचारी व पत्रकार बंधूचे विशेष आभार नागरिकांच्या वतीने मानले व निमगाव गौंडरे नेरले येथे शेकडो नागरिकांनी उत्साहात बसचे स्वागत केले .नागरिकांनी बसने प्रवास करावा अशी विनंती,नेरले ग्रामपंचायत माजी सरपंच व हिंदवी स्वराज्य ग्रुपचे संस्थापक श्री औदुंबरराजे भोसले यांनी केली आहे.