कुंभारगाव येथे कृषी उत्पन्न बाजार समितीचे माजी उपसभापती जालिंदर बापु पानसरे मित्र मंडळाच्यावतीने कृष्ण जन्माष्टमीचा उत्सव आनंदात साजरा ‌

करमाळा प्रतिनिधी करमाळा तालुक्यातील उद्योजक सामाजिक कार्यकर्ते कृषी उत्पन्न बाजार समितीचे माजी उपसभापती जालिंदर बापू पानसरे यांच्या वतीने कुंभारगाव येथे दरवर्षी मोठ्या उत्साहामध्ये कृष्ण जन्माष्टमीचा उत्सव साजरा करण्यात येतो. यंदाच्या वर्षीही कुंभारगाव ता.करमाळा येथे मा श्री जालिंदर बापू पानसरे मित्र परिवाराने आयोजित केलेल्या दहिहंडी उत्सवाला ग्रामस्थ बालगोपाळ ‌ युवकांचा उदंड प्रतिसाद मिळाला .यावेळी जिल्हा परिषद सदस्या सविताराजे भोसले जेऊर गावचे सरपंच पै,पृथ्वीराज पाटील,उद्योजक रोहिदास ढेरे,राहूल खाटमोडे युवा उद्योजक अक्षय दादा पानसरे यांचेसह पंचक्रोशीतील ग्रामस्थ सहकारी महिला भगिनी विद्यार्थी उपस्थित होते . महराष्ट्रासह संपुर्ण देशभरात श्रीकृष्ण जन्माष्टमीचा उत्सव मोठ्या उत्साहात साजरा केला जातो. यानिमित्ताने तरुणाईचा आवडता सण म्हणजे राज्यभर दहीहांडीचा उत्सव साजरा केला जातो. जन्माष्टमीच्या दिवशी घरोघरी श्रीकृष्णाच्या बालस्वरुपाची पूजा केली जाते. भाविक भजन आणि कीर्तन गात या दिवशी उपवास करतात, तसेच भव्य सजावटही करतात. भाद्रपद महिन्यातील कृष्ण पक्षातील अष्टमीला हा उत्सव साजरा केला जातो. या दिवशी भगवान श्रीकृष्णाचा जन्म मथुरा नगरीत देवकीच्या आठव्या अपत्याच्या रूपात कंसाच्या कैदेत झाला. दरम्यान, मध्यरात्री 12 च्या सुमारास श्रीकृष्णाचा जन्म झाला. यानंतर उत्साह पाहायला मिळाला असून यावर्षीही कृष्ण जन्माष्टमी उत्सव  आनंदात जल्लोषात साजरा करण्यात आला आहे.