मालवण राजकोट रयतेचे राजे युग पुरुष छत्रपती शिवाजी महाराज यांच्या पुतळ्याला झालेल्या दुर्घटनेच्या निषेधार्थ सकल मराठा समाज व बहुजन बांधव आणि शिवभक्त यांच्या वतीने निषेध व्यक्त करण्यात आला. यावेळी सकल मुस्लिम समाज व दलित बांधव तसेच बहुजन बांधव यांच्या हस्ते करमाळा येथील छत्रपती चौकातील छत्रपती शिवाजी महाराजांच्या पुतळ्यास दुग्धाभिषेक करून शासनाचा तीव्र शब्दात निषेध केला. व तहसील कार्यालय करमाळा येथे जाऊन तहसीलदार शिल्पाताई ठोकडे मॅडम यांना याबाबत निवेदन देण्यात आले. राजकोट येथे उभारण्यात आलेला छत्रपती शिवाजी महाराजांचा पुर्णाकृती पुतळा कोसळला या पुर्णाकृती पुतळ्याचे अनावरण देशाचे पंतप्रधान नरेंद्र मोदी यांच्या हस्ते दि. ४ डिसेंबर २०२३ रोजी करण्यात आले होते. परंतु छत्रपती शिवाजी महाराजांचा पुतळा अवघ्या ६ महिन्यात कोसळला असल्याने महाराष्ट्राची अस्मिता ढासळली आहे. शिवप्रेमींची मान शरमेने खाली जाईल असे कृत्य घडलेले आहे. त्यामुळे सदर घटनेस जबाबदार असलेले सबंधित विभागाचे अधिकारी, शिल्पकार, ठेकेदार यांच्यावर कठोर गुन्हा दाखल करावा व या निवेदनामध्ये सदर घटनेची सखोल तपासणी करून सदर दोषींवर कारवाई करण्यात यावी अशी मागणी केली आहे. यावेळी शासनाचा जाहीर धिक्कार करून घोषणा देण्यात आल्या .यावेळी करमाळा शहर व तालुक्यातील शेकडो शिवभक्त यांनी रोष व्यक्त करुन शासनाचा तीव्र शब्दात निषेध व्यक्त करण्यात आला आहे.यावेळी शिवभक्त सकल मराठा समाज बांधव बहुजन बांधव मुस्लिम बांधव मोठ्या संख्येने उपस्थित होते.
* करमाळा : प्रतिनिधी — साहित्यरत्न अण्णाभाऊ साठे नगर येथील रहिवासी श्री. गोकुळ हंबेश्वर मंडलिक…
करमाळा प्रतिनिधी. सरकोली तालुका पंढरपूर या ठिकाणी पार पडलेल्या जिल्हास्तरीय कुस्ती स्पर्धेत कर्मवीर अण्णासाहेब…
करमाळा प्रतिनिधी उजनी जलाशयाच्या काठावर प्रस्तावित असलेल्या सुमारे १५ अब्ज युरोच्या एआय कॅम्पस आणि ग्रीन…
करमाळा प्रतिनिधी नातवाच्या वाढदिवसाचा आनंद केवळ कुटुंबापुरता मर्यादित न ठेवता सामाजिक बांधिलकी जपत तो शाळेच्या…
सोलापूर प्रतिनिधी . समरसता साहित्य परिषद, महाराष्ट्र प्रदेश, महाराष्ट्र राज्य साहित्य व संस्कृती मंडळ मुंंबईच्या वतीने…
करमाळा प्रतिनिधी मांगी (ता. करमाळा) येथील मांगी तलावावरील शेतकऱ्यांचा वीजपुरवठा सरसकट बंद करण्यात आल्याने शेतकऱ्यांची…