करमाळ्याचे आराध्य दैवत आई कमलाभवानी मातेच्या नवरात्र उत्सवाची सुरुवात

करमाळा प्रतिनिधी करमाळ्याचे आराध्य दैवत आई कमलाभवानी मातेचा नवरात्र उत्सवाची सुरुवात आज सकाळी आठ वाजता मंदिर समितीचे सदस्य श्री राजेंद्र वाशिंबेकर व त्यांच्या पत्नी या दाम्पत्यांच्या हस्ते विधिवत घटस्थापनेने झाली.यावेळी सर्व पंचायतन देवस्थान मध्ये घटस्थापना करण्यात आली यावेळी आई कमला भवानी मातेचा महा अभिषेक करण्यात आला. सुशील पुराणिक रविराज पुराणिक यांनी पौराहित्य केले.यावेळी आई कमला भवानी मातेला गुलाबी रंगाचा भरदारी शालू दागिने आकर्षक हार व फुले घालून मंदिराचे पुजारी दादासाहेब पुजारी यांनी पूजा मांडली. सनई चौघडे ,झांज, नगारा, संबळाच्या तालावर देवीची आरती झाली. सालाबाद प्रमाणे माही डेकोरेशनच्यावतीने  आई कमला भवानी मंदिर व परिसरामध्ये आकर्षक सजावट करण्यात आली आहे.यावेळी बापूराव पुजारी विजय पुजारी ओंकार पुजारी संदीप पुजारी सचिन सोरटे तुषार सोरटे किसन सोरटे तसेच सर्व मानकरी सेवेकरी उपस्थित होते.