यशवंतराव चव्हाण महाविद्यालयात विभागीय योगासन स्पर्धांचे उद्घघाटन

करमाळा प्रतिनिधी- यशवंतराव चव्हाण महाविद्यालयात क्रीडा व युवक सेवा संचालनालय महाराष्ट्र राज्य पुणे अंतर्गत,जिल्हा क्रीडा अधिकारी कार्यालय व सोलापूर योग परिषद सोलापूर यांच्या संयुक्त विद्यामाने विभाग स्तरीय योगासन क्रीडा स्पर्धेचे उद्घाटन विद्या विकास मंडळाचे सचिव आदरणीय श्री.विलासरावजी घुमरे सर यांच्या हस्ते महाविद्यालयाच्या पाठीमागील सभागृहात संपन्न झाले . यावेळी प्रमुख पाहुणे म्हणून संस्थेचे अध्यक्ष प्राचार्य मिलिंद फंड, संस्थेचे सहसचिव विक्रमसिंह सूर्यवंशी, महाविद्यालयाचे प्राचार्य डॉ.एल. बी.पाटील,कनिष्ठ विभागाचे उपप्राचार्य श्री.संभाजी किर्दाक, तालुका क्रीडा अधिकारी प्रा.राम काळे,श्री.तानाजी मोरे, मा .श्री . नरेंद्र पवार साहेब, श्रीमती पेडसे मॅडम अध्यक्षा सोलापूर जिल्हा योग परिषद हे मान्यवर उपस्थित होते. शालेय विभागीय योगासन स्पर्धा वयोगट 14 ,17 व 19 वर्ष मुले व मुली सहभागी झालेले आहेत. सोलापूर जिल्हा व सोलापूर महानगरपालिका, अहमदनगर जिल्हा व अहमदनगर महानगरपालिका, पुणे जिल्हा व पुणे महानगरपालिका, पिंपरी- चिंचवड महानगरपालिका या सात ठिकाणावरून 294 विद्यार्थी या विभागीय स्पर्धेमध्ये सहभागी झालेले आहेत. या विद्यार्थ्यांमध्ये 147 मुले व 147 मुली यांनी आपला सहभाग नोंदवलेला आहे. या विभागीय स्पर्धेचा कालावधी 08 व 09 ऑक्टोबर असा आहे. पुणे,सोलापूर,अहमदनगर जिल्ह्यातून आलेले सर्व खेळाडू, प्रशिक्षक , पंच, कनिष्ठ व वरिष्ठ महाविद्यालयातील प्राध्यापक,शिक्षकेतर कर्मचारी मोख्या संख्येने उपस्थित होते.