नवरात्रीनिमित्त केत्तुर येथे पोलिस निरिक्षक श्री विनोद घुगेसाहेब यांनी केले समाज प्रबोधन व्यसनांपासुन युवकांना दुर राहण्याचे केले आवाहन

करमाळा प्रतिनिधी- मौजे केत्तुर ता करमाळा येथे शुक्रवार दिनांक -११/१०/२४ रोजी नवरात्र उत्सवानिमित्त आयोजित कार्यक्रमाला उपस्थित राहुन करमाळा पोलिस स्टेशनचे पोलिस निरिक्षक श्री विनोदकुमार घुगे साहेब यांनी उपस्थितांना मार्गदर्शन केले . आपण समाजात वावरताना व्यसनापासून दुर राहीले पाहिजे व व्यसनापासून दूर करण्यासाठी प्रयत्न केला पाहीजे तसेच आजची तरुण पिढी व्यसनाधिन होत असुन यातुन परावृत्त होणेसाठी प्रयत्न केले पाहिजेत .आपली शरीर संपदा आरोग्य हे चांगले सुदृढ ठेऊन आपले गावाची ,राज्याची देशाची सेवा केली पाहिजे. कायदयाचा बडगा दाखवुन वाईट गोष्टी नष्ट करणे हे सोप्पे असते परंतु वाईट गोष्ट होऊच नये याकरीता मनातुन ठरले पाहिजे. उपस्थित महिला तसेच मंडळाचे कार्यकर्ते युवक मंडळींना यावेळी त्यांनी मोलाचे मार्गदर्शन केले . यावेळी मंडळातर्फे सरपंच सचिन वेळेकर यांचे हस्ते त्यांचा सन्मान करण्यात आला.