किंडरजॉय सी. एस. सी. बालविद्यालयाचे स्नेहसंमेलन उत्साहात संपन्न

करमाळा प्रतिनिधी 
किंडरजॉय सी. एस. सी. बालविद्याल श्रीदेवीचामाळ करमाळा या बालविद्यालयाचे स्नेहसंमेलन दिनांक १५/०२/२०२५ रोजी अथर्व मंगल कार्यालय येथे उत्सहात पार पडला. बालविद्यालयाच्या स्नेहसंमेलनला पालकांनी उस्फुर्त सहभाग घेऊन बालगोपाळांच्या कलागुणांना दाद दिली. बालविद्यालयाच्या स्नेहसंमेलनामध्ये सामाजिक बंधुभाव, देशप्रेम , पारंपरिक लोककलांचा बहारदार कार्यक्रम गीतांच्या माध्यमातून प्रस्तुत केला. बाळगोपाळांना आपल्या रंगतदार काकार्यक्रमानी प्रेक्षकांची मने जिंकली. सदर कार्यक्रमात बालविद्यालयातील सर्व वयोगटातील मुलांनी सहभाग नोंदवून स्नेहसंमेलनाच खरा आनंद घेतला. लहान वयातच मुलांमध्ये स्टेज डेरिंग निर्माण करण्याचा हेतू या कार्यक्रमाच्या माध्यमातून साधला. या कार्यक्रमाला प्रमुख अतिथी म्हणून प्रा. जयप्रकाश बिले (माजी प्राचार्य यशवंतराव चव्हाण महाविद्यालय करमाळा) व प्रा. गणेश करे पाटील (संस्थापक यशकल्याणी समाजसेवा संस्था करमाळा) यांची उपस्थिती होती. अध्यक्षीय भाषणातून प्रा. जयप्रकाश बिले व प्रा. गणेश करे पाटील यांनी संस्थेच्या भावी वाटचालीस शुभेच्या देऊन संस्थेला सदैव सहकार्य राहील असे मनोगत व्यक्त केले. कार्यक्रमाचे पूर्ण कोरिओग्राफर सिद्धी कदम यांनी केले. तसेच प्रा. लवटे यांनी कार्यक्रमाचे सूत्रसंचालन केले. स्नेहसंमेलन यशस्वी करण्यासाठी संस्थेचे अध्यक्ष श्री.धनराज कांबळे, सचिव सौ.राजश्री कांबळे, सौ . मीनाक्षी ढाळे , सौ .सुप्रिया जोगदंड , सौ . सिमा खराडे सौ . बुराडे सौ . श्यामली राखुंडे सौ . अर्चना जाधव विशेष परिश्रम घेतले. कार्यक्रमाला विशेष उपस्थिती म्हणून प्रा. नागेश माने, लावंड सर, नरुटे सर, सोनावणे साहेब, कदम साहेब, विशाल शिंपी सर, असादे मॅडम, नलिनी जाधव, डॉ. शेलार, डॉ. भोसले, व सर्व पत्रकार बंधू आवर्जून उपिस्थत होते.