करमाळा प्रतिनिधी
करमाळा नगरपरिषदेच्या अखत्यारीतील नगरपालिकेच्या भारतरत्न डॉ.बाबासाहेब आंबेडकर प्रशाला येथे करमाळा नगरपरिषदेच्या वतीने 150 क्षमतेचे कोवीड केअर सेंटर निर्माण करण्याकरिता पुढाकार घेऊन महत्वाची भूमिका पार पाडली आहे.
दि.27 जुलै 2020 रोजी मा.गृहराज्यमंत्री श्री.शंभुराजे देसाई साहेब,मा.आमदार श्री.संजयमामा शिंदे साहेब,मा.जिल्हाधिकारी श्री. मिलींद शंभरकर साहेब यांनी करमाळा नगरपरिषदेने कोरोना प्रतिबंधात्मक उपाययोजना व सर्व कामांचा आढावा घेतला व उत्कृष्ठ काम केल्याबद्दल प्रशंसाही केली, याच बैठकीत मा.नगराध्यक्ष श्री.वेैभवराजे जगताप यांनी करमाळा नगरपरिषदेच्या शाळेत कोवीड केअर सेंटर उभारण्याची तयार दर्शविली व त्यानुसार शौचालय, बाथरुम, पाणी, लाईट, फॅन,, जाळीयुक्त खिडक्या , गरम पाण्याची सोय, योगा व व्यायामाकरीता स्टेज या अनुषंगीक गोष्टीची उपलब्धता करमाळा नगरपरिषदेच्या वतीने करण्यात आली आहे. याच बरोबर याच शाळेत प्राथमिक लक्षणे दिसणाऱ्या रुग्णाकरिता तपासणी करिता फिव्हर सेंटर उपलब्ध करुन देण्यात आले आहे तसेच याच शाळेत कोरोना चाचणीकरिता रुग्णाचे स्वॅब सॅम्पल घेणे, रॅपिड ऍ़न्टीजीन टेस्ट घेणे याकरिता तपासणी केंद्राकरिता आवश्यक सुविधा जसे फॅन,निर्जंतूकीकरण व इतर साहित्य नगरपरिषदेने उपलब्ध करुन दिले आहे.
सदर कोवीड केअर सेंटरचे उद्घाटन दि.15 ऑगस्ट 2020 रोजी स्वातंत्र्य दिनाचे औचित्य साधून मा.नगराध्यक्ष श्री.वैभवराजे जगताप यांच्या हस्ते करण्यात आले व इमारतीचा ताबा तालुका वैद्यकीय अधिकारी डॉ.घोगरे यांच्याकडे देण्यात आला. सदर कोवीड केअर सेंटर उभारणेकामी मा.प्रांताधिकारी ज्योती कदम मॅडम व मा.तहसिलदार समीर माने साहेब यांनी वेळोवेळी मार्गदर्शन व पाठपुरावा केला.
सदर कोवीड केअर सेंटर उभारणीकामी करमाळा नगरपरिषदेच्या सर्व सन्माननिय सदस्य यांच्याकडून मा.सर्वसाधारण सभेत मान्यता देण्याकरिता ठराव संमत केला जाणार आहे. सदर कामी करमाळा नगरपरिषदेच्या मा.मुख्याधिकारी वीणा पवार यांनी उल्लेखणीय कामगिरी बजावली आहे. तसेच शहर अभियंता श्री.समेशर पठाण,पाणीपुरवठा वार्ड ऑफिसर श्री.कमलाकर भोज, विद्युत वार्ड ऑफिसर श्री.बाळनाथ क्षिरसागर व सर्व कर्मचारीवृंद यांनी मोलाची कामगिरी बजावली आहे.
सदर कोवीड केअर सेंटर उभारल्यामुळे कोरोना रुग्णाच्या वाढत्या संख्येकडे बघता निश्चित योग्यसोय होणार आहे. सदर उद्घाटन प्रसंगी करमाळा तालुक्याचे तहसिलदार श्री.समीर माने,पोलिस निरीक्षक श्री. श्रीकांत पाडुळे, तालुका वैद्यकीय अधिकारी श्री. घोगरे, वैद्यकीय अधिकारी श्री. अमोल डुकरे, बांधकाम उप अभियंता श्री.निमकर हे उपस्थित होते. तसेच सर्व करमाळा नगरपरिषद कर्मचारीवृंद, सर्व कुटीर रुग्णालय कर्मचारीवृंद सर्व तहसील आपत्ती व्यवस्थापन विभाग कर्मचारीवृंद उपस्थित होते.यावेळी कोरोनासांकटात उल्लेखनीय कामगिरी केल्याबद्दल कोव्हिड केअर सेःटरषचे सर्व डाँक्टर व स्टाफ,पोलीस स्टाफ,तहसील स्टाफ,नगरपरीषद स्टाफ यांचा यथोचित सन्मान करण्यात आला.
———————————————————————————-.
करमाळा शहराचा प्रथम नागरिक या नात्याने कोरोनाच्या संकटात नागरिकांची करमाळा शहरातच वैद्यकीय उपचारांची सुविध उपलब्ध करुन देण्यासाठी कोवीड केअर सेंटर करमाळा नगरपरिषदेने उभारले आहे. कोरोना संकटाशी सामना करण्यासाठी व नागरिकांची सेवा करण्यासाठी मी कटीबध्द आहे. अध्यक्ष वैभवराजे जगताप, करमाळा नगरपरिषद
———————————————————————————-
करमाळा नगरपरिषदेच्या माध्यमातून कोवीड केअर सेंटर उभारले जाणे ही खरोखर खूप अभिमानाची व गौरवास्पद गोष्ट आहे याकरिता मी सर्व सन्माननिय नगरपरिषद पदाधिकारी, नगरसेवक यांचे कौतुक करते व आभार व्यक्त करते.- वीणा पवार मुख्याधिकारी करमाळानगरपरिषद.
करमाळा प्रतिनिधी : करमाळा शहर व तालुक्यातील सर्व शिवप्रेमींची गेल्या अनेक वर्षांपासूनची बहुप्रतिक्षित इच्छा आता…
जेऊर (प्रतिनिधी): करमाळा तालुक्यातील शेतीपंपांचा विस्कळीत वीजपुरवठा आणि ग्रामीण भागातील सिंगल फेज विजेच्या लपंडावाविरोधात आज…
* करमाळा प्रतिनिधी :- भारतीय जनता पार्टी सोलापूर ग्रामीण पश्चिम जिल्हा कार्यकारिणीची महत्त्वपूर्ण बैठक अकलूज…
करमाळा प्रतिनिधी सध्याच्या आधुनिक काळात पत्रकारिता क्षेत्रात मोठ्या संख्येने नवोदित आणि होतकरू तरुण वर्ग…
करमाळा : प्रतिनिधी करमाळा शहरासह तालुक्यातील नागरिकांसाठी आरोग्यसेवेच्या क्षेत्रात महत्त्वाची भर पडणार असून, जाधव-पाटील हॉस्पिटलमध्ये…
करमाळा: प्रतिनिधी करमाळा तालुक्यातील शेतीपंपांचा वीजपुरवठा सातत्याने खंडित करणे आणि ग्रामीण भागातील सिंगल फेज वीज…