आमदार नारायण आबा पाटील यांच्या प्रयत्नातून आता आणखी पाच एस टी बस करमाळा आगारात दाखल होणार

करमाळा प्रतिनिधी आमदार नारायण आबा पाटील यांनी नामदार प्रताप सरनाईक यांचेकडे करमाळा आगारासाठी एकुण वीस नवीन एस टी बसेस मागितल्या होत्या. पहिल्या टप्प्यात काही नवीन बस मिळाल्यानंतर आता दुसऱ्या टप्प्यात चार नवीन एस टी बस करमाळा आगारासाठी देण्याचा निर्णय झाला. परंतू आमदार नारायण आबा पाटील यांनी वरिष्ठांना करमाळा आगारात आणखी बसेस मिळाव्यात म्हणुन विनंती केली. यावेळी त्यांनी केलेल्या आग्रहा खातर परिवहन महामंडळा कडून चार ऐवजी पाच बस देण्यात आल्या आहेत. यामुळे आता करमाळा आगारास पाच नवीन बस मिळणार असुन आज या गाड्या करमाळा आगारात दाखल होतील. सदर पाच गाड्यांचा ताबा घेण्यासाठी कालच करमाळा आगारातील वाहक दापोडी येथे गेले असुन तेथून त्यांना या गाड्या प्राप्त करुन दिल्या जातील अशी माहिती आहे.यामुळे आता पाच गाड्या मिळण्याचा मार्ग मोकळा झाला असून आज
दिवसभरात या गाड्या करमाळा आगारात दाखल होतील. यामुळे आता करमाळा तालुक्यातील दळणवळण प्रश्न बऱ्यापैकी सुटला जाऊ शकेल. उर्वरित नवीस एस टी बसेस सुध्दा येत्या काही महिन्यात करमाळा आगारासाठी उपलब्ध होतील असा आमदार नारायण आबा पाटील यांना विश्वास आहे. करमाळा आगारासाठी नवीन चार गाड्या दिल्याने प्रवासी, रुग्ण, वृध्द, महिला व खास करुन शालेय तसेच महाविद्यालयीन विद्यार्थी यांचा प्रवासाचा प्रश्न सुटला जाईल. परिवहन मंत्री प्रताप सरनाईक यांचे करमाळा तालुक्यातील नागरिकांच्या व विविध शैक्षणिक संस्था तसेच व्यापारी मंडळाच्या वतीने आभार व्यक्त केले जात आहे.