दीपबंधन” उपक्रमाअंतर्गत रस्त्यावर राहणाऱ्या कुत्र्यांना Reflective Belts चे वाटप स्वराज संस्था पुढे सरसावली – प्राण्यांच्या सुरक्षेसाठी महत्त्वपूर्ण पाऊल

सोलापूर, दि. 26 एप्रिल – 27 एप्रिल 2025 – स्वराज संस्थेतर्फे सुरू करण्यात आलेला “दीपबंधन” उपक्रम सोलापूर शहरातील प्राणिमित्रांच्या मनाचा ठाव घेत आहे. रात्रीच्या वेळी रस्त्यांवर फिरणाऱ्या कुत्र्यांना सुरक्षित ठेवण्यासाठी Reflective Belts लावण्याचा हा उपक्रम आहे.

“दीपबंधन” हे केवळ एका उपक्रमाचे नाव नाही, तर माणसाचा मुक्या जीवांशी जोडलेल्या प्रेमाच्या आणि जबाबदारीच्या नात्याचे प्रतीक आहे.
वाहनांच्या प्रकाशात चमकणारे हे Reflective Belts रात्रीच्या वेळी कुत्रे सहज दिसण्यास मदत करतात आणि त्यांच्यावर तसेच वाहनचालकांवर होणाऱ्या अपघातांची शक्यता लक्षणीयरीत्या कमी करतात.”आपण जसे आपल्या कुटुंबाची काळजी घेतो, तसेच या मुक्या जीवांचीही आपलेपणाने काळजी घ्यायला हवी,” असे मत स्वराज संस्थेच्या संस्थापक अध्यक्षा स्वराली सुधा रविंद्र भोसले यांनी व्यक्त केले.या उपक्रमात स्वराज संस्थेच्या सदस्यांनी मिळून एकूण १३० Reflective Belts कुत्र्यांना लावले, ज्यामुळे रस्त्यांवरील त्यांच्या सुरक्षिततेत मोठी भर पडली आहे.सोलापूरकरांकडून या उपक्रमाला भरभरून प्रतिसाद मिळत असून, “दीपबंधन” हे शहरातील सकारात्मक बदलाचे प्रतीक ठरत आहे, जिथे प्रेम, जबाबदारी आणि करुणा यांचा सुंदर संगम आहे.उपक्रमात सहभागी सदस्य:
स्वराली सुधा रविंद्र भोसले, निरंजन कुलकर्णी, व्यंकटेश इटेकर, दिपा नारायणकर, ऋतुजा कमले, मयूरेश गवळी, अर्णव कुलकर्णी, दिपक पांडे, महेश प्रधाने, पार्थ भोसले, आकाश कोठाडिया, मनिष परदेशी, मयुर बनसोडे, चैतन्य शेटे, आदिती भोसले, मुद्दिता वाघमारे, श्रद्धा गाडेकर, दिपा स्वामी, कुणाल जैन, श्रेयस राऊत, प्रथमेश ओहोळ, अभिषेक कुलकर्णी, उत्कर्ष उंबरजे, मनस्वी, आकांक्षा, राहुल उपस्थित होते.