करमाळा प्रतिनिधी करमाळा विधानसभा मतदारसंघाचे विद्यमान आमदार नारायण आबा पाटील यांच्या वाढदिवसानिमित्त जेऊर ता करमाळा येथे दिनांक २३ ऑगस्ट २०२५ शनिवारी महाआरोग्य शिबीराचे आयोजन केल्याची माहिती सभापती अतूलभाऊ पाटील यांनी दिली. याबाबत अधिक सविस्तर बोलताना सभापती पाटील यांनी सांगितले की जेऊर येथे दिनांक २३ रोजी शनिवारी हे आरोग्यदायी शिबीर होणार असून ते संपूर्ण पणे मोफत आहे. शिवाय रुग्णांना औषधे सुध्दा मोफत दिली जातील. या शिबीरामध्ये डॉ अविनाश राऊत (अस्थिरोग तज्ञ), डॉ अमोल डुकरे (बालरोग तज्ञ), डॉ अंकुश पवार (भुलतज्ञ), डॉ संतोष अडगळे व डॉ विशाल बंडगर (स्री रोग तज्ञ), डॉ अनिल खटके (नेत्र शल्यचिकित्सक) आदि मान्यवर डॉक्टर उपस्थित राहुन आरोग्य तपासणी करणार आहेत. सकाळी ९ ते दुपारी २ पर्यंत तपासणी चालू राहील. तरी रुग्णानी या शिबीरामध्ये सहभागी व्हावे असे आवाहन सभापती अतुल भाऊ पाटील यांनी केले. तर दिनांक २६ ऑगस्ट रोजी अहिल्यानगर (अहमदनगर) येथील आनंद ऋषी नेत्र रुग्णालयाच्या वतीने मोफत नेत्र तपासणी व शस्त्रक्रिया करण्यासाठी जेऊर येथे रुग्ण तपासणी करण्यात येईल. सदर सहभागी रुग्णांना मोफत अहिल्यानगर येथे नेण्यात येऊन मोफत शस्त्रक्रिया केली जाईल व मोफत औषधे देऊन घरी पोहोच केले जाईल. तरी याचा लाभ नेत्र रुग्णांनी घ्यावा असे आवाहन ग्रामपंचायत सदस्य संदिपशेठ कोठारी यांनी केले. तर आरोग्य तपासणी व नेत्र तपासणी साठी ९७६३४०२५८० या मोबाईल नंबरवर नाव नोंदणी करावी असे आवाहन वाढदिवस संयोजन समिती सदस्य किरण पाटील व जेऊर ग्रामपंचायत सदस्य उमेश भैय्या कांडेकर यांनी केले.
करमाळा (प्रतिनिधी) करमाळा तालुक्याच्या पश्चिम भागातील हजारो नागरिकांसाठी अत्यंत महत्त्वाची असलेली करमाळा–कुर्डूवाडी एसटी बस सेवा…
करमाळा, प्रतिनिधी : करमाळा शहरात अमली पदार्थांविरोधातील कारवाईत करमाळा पोलिसांना मोठे यश मिळाले असून, १०…
करमाळा प्रतिनिधी करमाळा तालुक्यातील शेतकऱ्यांना पुर्ण दाबाने व अखंडीत वीज देण्याची व्यवस्था करा तसेच…
करमाळा प्रतिनिधी करमाळा मतदार संघामध्ये गेल्या २ महिन्यापासून कमी दाबाने होत असलेल्या वीज पुरवठ्यामुळे शेतीपंप…
करमाळा प्रतिनिधी नेरले, ता. करमाळा : नेरले ते गौंडरे या महत्त्वाच्या मार्गाच्या दुरवस्थेमुळे नागरिक, विद्यार्थी…
करमाळा प्रतिनिधी करमाळा तालुक्यातील नागरिकांना दर्जेदार व तातडीची हृदयरोग उपचार सेवा उपलब्ध करून देण्याच्या…