प्राचार्य बाळासाहेब नरारे यांना रोटरी गाइडिंग लाईट पुरस्कार प्रदान

करमाळा प्रतिनिधी: शिवस्मारक सोलापूर येथे रोटरी क्लब ऑफ सोलापूर हर्मोनी यांच्या वतीने सुरताल संगीत विद्यालयाचे प्राचार्य बाळासाहेब नरारे यांना उपस्थित प्रमुख मान्यवरांच्या हस्ते रोटरी गाइडिंग लाईट पुरस्कार देऊन सन्मानित करण्यात आले.
जिल्ह्यातील अनेक आर्ट ऑफ लिविंग च्या शिक्षकांना यावेळी पुरस्कार देऊन सन्मानित करण्यात आले. करमाळा तालुक्यातून नरारे यांची पुरस्कारासाठी निवड करण्यात आली होती. सामाजिक बांधिलकी जपत विना मोबदला आरोग्य विषयक मार्गदर्शन, योग प्रशिक्षण, ध्यानधारणा, देशाविषयी प्रेम आणि जनजागृती तसेच या धकाधकीच्या युगात जनतेचे आरोग्य निरोगी रहावे व शांतता लाभावी यासाठी सातत्याने कार्य करणे इत्यादीसाठी मानपत्र व सन्मान चिन्ह देऊन त्यांना हा पुरस्कार देण्यात आला. यावेळी प्रमुख अतिथी म्हणून व्ही एम मेडिकल कॉलेज सोलापूरचे डीन डॉ रित्विक जयकार, प्रोफेसर डॉ नितीन भोगे, असिस्टंट गव्हर्नर आर आय डी मा सचिन चौधरी तसेच सोलापूर रोटरी क्लबचे अध्यक्ष भूमेश यंगदूल, सचिव महेश जिंदम हे उपस्थित होते. हा पुरस्कार प्राचार्य नरारे यांना मिळाल्याबद्दल सर्व स्तरातून त्यांचे अभिनंदन आणि कौतुक होत आहे.