मा.आ.संजयमामा शिंदे यांचा कागदोपत्री विकास करमाळा शहरात दिसू लागला… विरोधकांनी फुकटचे श्रेय घेऊ नये – मविनय काका ननवरे यांचे आवाहन

करमाळा प्रतिनिधी
नगर विकास विभागाकडून तत्कालीन आमदार संजय मामा शिंदे यांनी करमाळा पालिका हद्दीतील महात्मा फुले चौक पुतळा ते जि.प.विश्रामगृह रस्ता मजबुतीकरण व स्ट्रीट लाईट बसविणे – १५० लाख,दत्त मंदिर(विकासनगर) ते नवीन न्यायालयीन इमारत रस्ता,मेनरोड व शहराअंतर्गत रस्त्यांवर स्ट्रीट लाईट बसविणे – ४०लाख,आय.सी.आय.सी.आय बँक ते जुनी लाकडी मिल फंड गल्ली (जुना बायपास) रस्ता मजबुतीकरण करणे -१५० लाख,पालिका हद्दीत अभ्यासिका बांधणे -५०लाख,गट नं.३७८ कत्तलखाना रोड (जुना नगर रोड) बेग फकीर दफनभूमी वॉल कंपाऊंड बांधणे -३० लाख,माजी सैनिक कारगिल भवन कंपाऊंड वॉल व सुशोभीकरण करणे -३०लाख,राज्यमार्ग ६८ ते अण्णासाहेब हायस्कूल रस्ता मजबुतीकरण करणे – १००लाख,दुधे डायगणोस्टिक सेंटर ते अण्णासाहेब हायस्कूल रस्ता मजबुतीकरण करणे -५०लाख असा निधी असा भरघोस निधी 2023 24 चे अर्थसंकल्पामध्ये मंजूर करून आणला होता सदर कामांच्या प्रशासकीय मान्यता होऊन त्या कामांना आता कार्यारंभ आदेश मिळाल्यामुळे ती कामे आता वेगात सुरू झाली आहेत.ही कामे आपणच सुरू केली अशा पद्धतीने काही मंडळी सध्या वावरत आहेत. संबंधित रस्त्याच्या कामावरती जाणे, स्वतःचे फोटो काढणे आणि ही कामे आपणच आणली असे सांगत मिरवणे हे चुकीचे असून विरोधकांनी त्याचे फुकटचे श्रेय घेऊ नये असे आवाहन विनयकाका ननवरे यांनी केले आहे.

चौकट –
माजी आमदार शिंदे यांच्या प्रयत्नशील विकास दृष्टीमुळे आत्तापर्यंत मतदारसंघातील सर्वच गावांतील विविध विकासकामे मार्गी लागली होती.या तुलनेत करमाळा शहरातील विकास कामांना मात्र अनंत अडचणी आल्या. कोट्यावधी रुपयांचा निधी मंजूर करूनही ती कामे प्रत्यक्षात सुरू होऊ शकली नाहीत. दुर्दैवाने मामांचा पराभव झाला असला तरी त्यांनी मंजूर केलेली कामे मात्र आता वेगात सुरू आहेत याबद्दल शहरातील नागरिक समाधानी आहेत.
महादेव फंड
माजी नगरसेवक. करमाळा नगरपरिषद.