प्राध्यापक डॉ. शरद जाधव यांना संगणकशास्त्राची पीएचडी पदवी

करमाळा प्रतिनिधी 
भालेवाडी (ता. करमाळा) येथील रहिवासी तथा महात्मा गांधी ज्युनिअर कॉलेज, करमाळा येथे संगणकशास्त्र विषयाचे प्राध्यापक असलेले प्रा. शरद भरत जाधव यांना स्वामी रामानंद तीर्थ मराठवाडा विद्यापीठ, नांदेड यांच्यावतीने संगणकशास्त्र विषयातील पीएचडी पदवी प्रदान करण्यात आली आहे.

“Hybrid Machine Learning Technique for Person Identification using Multimodal Palmprint, Ear and Face Biometric Features” या विषयावर त्यांनी संशोधन प्रबंध सादर करून आपले संशोधन यशस्वीरीत्या पूर्ण केले. या संशोधनासाठी त्यांना संगणकशास्त्र संकुलाचे संचालक प्रा. डॉ. निलेश देशमुख यांचे मार्गदर्शन लाभले.डॉ. जाधव यांच्या संशोधनामध्ये कृत्रिम बुद्धिमत्ता, मशीन लर्निंग व डीप लर्निंग आधारित मल्टी-मॉडल बायोमेट्रिक प्रणाली विकसित करण्यात आली असून, व्यक्ती ओळख पटविण्याच्या क्षेत्रात अधिक अचूकता साध्य करण्यात यश मिळाले आहे.डॉ. जाधव हे आंतरराष्ट्रीय दर्जाच्या संगणक विज्ञान संघटनांचे सदस्य असून स्प्रिंजर, वर्ल्ड सायंटिफिक यांसारख्या नामांकित आंतरराष्ट्रीय नियतकालिकांमध्ये त्यांचे संशोधन लेख प्रकाशित झाले आहेत. आजवर त्यांचे ११ संशोधन लेख प्रसिद्ध झाले असून अनेक राष्ट्रीय व आंतरराष्ट्रीय परिषदांमध्ये त्यांनी शोधपत्रांचे सादरीकरण केले आहे.त्यांच्या संशोधन कार्यासाठी त्यांना युवा संशोधक पुरस्कार, करमाळा रत्न सन्मान, उत्कृष्ट संशोधन पेपर पुरस्कार व प्रथम क्रमांकाचे बक्षीस मिळाले आहे. तसेच संशोधनाच्या कालावधीत त्यांना महाराष्ट्र शासनाची सारथी – राजर्षी छत्रपती शाहू महाराज राष्ट्रीय फेलोशिप प्राप्त झाली होती.या उल्लेखनीय यशाबद्दल करमाळा तालुका एज्युकेशन सोसायटीचे अध्यक्ष तथा माजी आमदार जयवंतराव जगताप, विश्वस्त वैभवराजे जगताप, शंभुराजे जगताप, तसेच महाविद्यालयाचे मुख्याध्यापक, उपमुख्याध्यापक, प्राध्यापक व शिक्षकेतर कर्मचाऱ्यांनी डॉ. शरद जाधव यांचे अभिनंदन केले आहे.