मुख्यमंत्री समृद्ध पंचायतराज अभियानांतर्गत ग्रामपंचायत सालसे येथे झालेल्या गाव भेट व ग्रामपंचायत तपासणीदरम्यान प्रशासनाच्या संवेदनशीलतेचे दर्शन घडवणारा प्रसंग घडला.
या वेळी ग्रामपंचायत सालसेच्या स्वनिधीतून उपलब्ध असलेल्या ५ टक्के दिव्यांग कल्याण निधीमधून गावातील पात्र दिव्यांग बांधवांना धनादेशांचे वितरण करण्यात आले.
कार्यक्रमादरम्यान जिल्हा परिषद सोलापूरचे मुख्य कार्यकारी अधिकारी श्री. कुलदीप जंगम यांनी कोणताही औपचारिकतेचा आव न आणता थेट दिव्यांग लाभार्थ्यांसोबत जमिनीवर बसून आपुलकीने व सन्मानाने धनादेश सुपूर्द केले. त्यांच्या या माणुसकीपूर्ण कृतीने उपस्थितांचे लक्ष वेधले.
धनादेश स्वीकारताना दिव्यांग लाभार्थ्यांच्या चेहऱ्यावर समाधान आणि आनंद स्पष्टपणे दिसून येत होता. लाभार्थ्यांनी जिल्हा प्रशासनाने दिलेल्या मदतीबद्दल कृतज्ञता व्यक्त करत, ही मदत आपल्या आयुष्याला नवी दिशा देण्यासाठी उपयोगात आणणार असल्याचे सांगितले. तसेच मुख्यमंत्री समृद्ध पंचायतराज अभियानामध्ये सक्रिय सहभाग नोंदवण्याची ग्वाहीही त्यांनी दिली.
ग्रामपंचायत सालसे येथे घडलेला हा प्रसंग प्रशासन, लोकप्रतिनिधी आणि नागरिक यांच्यातील नात्याला बळ देणारा ठरला असून, विकासासोबत संवेदनशीलता हीच प्रशासनाची खरी ओळख असल्याचे पुन्हा एकदा अधोरेखित झाले आहे.
करमाळा प्रतिनिधी भारतीय संस्कृतीत गोमातेला अत्यंत पवित्र आणि पूजनीय स्थान असून, गोसेवा ही श्रद्धा, संस्कार…
करमाळा प्रतिनिधी निमगाव (टें.) येथील आदर्श सरपंच तथा विठ्ठल कॉर्पोरेशनचे कार्यकारी संचालक श्री. यशवंत संजयमामा…
करमाळा प्रतिनिधी करमाळा येथील कमलाभवानी बहुउद्देशीय संस्थेचे अध्यक्ष तथा सुरताल संगीत विद्यालयाचे प्राचार्य श्री. बाळासाहेब…
करमाळा प्रतिनिधी करमाळा शहरातील दगडी रोड येथील रहिवासी शारदा सुरेश पिसे (वय ७१) यांचे अल्पशा…
करमाळा प्रतिनिधी काँग्रेस इंडी आघाडी आणि डाव्या पक्षांकडून भारतीय जनता पक्षाविरोधात खोटा प्रचार करून पक्षाची…
करमाळा प्रतिनिधी करमाळा तालुक्याची दुष्काळ निवारण व पाणीटंचाई आढावा बैठक आमदार. नारायण( आबा) पाटील यांचे…