आगामी जिल्हा परिषद व पंचायत समितीच्या निवडणुका भारतीय जनता पार्टीच्या चिन्हावरच लढवण्यात येणार असून, विकासकामांच्या जोरावर करमाळा तालुक्याचा चेहरा-मोहरा बदलण्याचा निर्धार आहे, असे प्रतिपादन भाजप नेते मकाई सहकारी साखर कारखान्याचे माजी चेअरमन दिग्विजय बागल यांनी केले.
करमाळा येथील बागल निवासस्थानी आगामी निवडणुकांच्या पार्श्वभूमीवर आयोजित विचारविनिमय मेळाव्यात ते बोलत होते. या मेळाव्याच्या अध्यक्षस्थानी बाळासाहेब पाटील होते.
बागल म्हणाले की, जिल्हा परिषद व पंचायत समिती निवडणुकांची तयारी कार्यकर्त्यांनी स्वबळावर ठेवावी. पक्षाने दिलेली जबाबदारी प्रामाणिकपणे व ताकदीने पार पाडणे आवश्यक आहे. युती करायची की नाही, याबाबतचा निर्णय योग्य वेळी पक्षाच्या वरिष्ठ पातळीवर घेतला जाईल. मात्र तोपर्यंत संघटन मजबूत करण्यावर भर द्यावा, असे त्यांनी स्पष्ट केले.कार्यक्रमास व्यासपीठावर मकाईचे चेअरमन दिनेश भांडवलकर, उपनगराध्यक्ष अतुल फंड, भाजप जिल्हा सरचिटणीस गणेश चिवटे, मकाईचे व्हाईस चेअरमन बाळासाहेब पांढरे, आदिनाथचे माजी चेअरमन धनंजय डोंगरे, साहेबराव रोकडे भाजप तालुकाध्यक्ष काकासाहेब सरडे भाजप ग्रामीण तालुकाध्यक्ष सचिन पिसाळ आदिनाथ चे माजी संचालक दत्तात्रय सोनवणे आदी मान्यवर उपस्थित होते.
यावेळी दिग्विजय बागल यांच्या वाढदिवसानिमित्त त्यांचा नागरी सत्कार करण्यात आला.
यावेळी विजय रोकडे, शुभम बंडगर, लक्ष्मण केकान, भाऊसाहेब गव्हाणे, गणेश भोरे, यशपाल कांबळे, कल्याण सरडे, रमेश कांबळे, देवकर गुरूजी यांनी आपली मते मांडत पक्षवाढीसाठी एकजुटीने काम करण्याचे आवाहन केले.
दरम्यान, भाजप महिला प्रदेश उपाध्यक्षा रश्मी बागल यांनी सांगितले की, भारतीय जनता पार्टीच्या विचारधारेनुसारच करमाळा तालुक्यातील राजकीय वाटचाल सुरू राहील. सर्वसामान्यांचे हित व पक्षवाढीसाठी प्रसंगी माघार घेण्याची तयारी आहे; मात्र चुकीच्या गोष्टींवर कठोर भूमिका घेतली जाईल.तसेच विलासराव घुमरे यांनी करमाळा तालुक्यात भाजपची संघटनात्मक ताकद मोठ्या प्रमाणात वाढल्याचे सांगून, गटतट व मतभेद बाजूला ठेवून एकजुटीने विकासकामांच्या माध्यमातून निवडणुका लढवण्याचे आवाहन केले. कार्यक्रमाचे प्रास्ताविक सुभाष पवार सूत्रसंचालन नितीन चोपडे व रणजित शिंदे यांनी केले, तर आभार विजय लावंड यांनी मानले.
करमाळा प्रतिनिधी उसाला प्रतिटन चार हजार रुपये दर मिळावा, यासह शेतकरी व सर्वसामान्य नागरिकांच्या नऊ…
करमाळा प्रतिनिधी करमाळा येथील शिवाजीनगरमधील रहिवासी तथा सिव्हिल इंजिनिअर प्रसिद्ध क्राॅन्ट्रक्टर श्री. शैलेश मधुकर खडके…
करमाळा प्रतिनिधी ग्रामीण भागातील विद्यार्थ्यांना पोलीस, सैन्यदल, एनडीए व अग्निवीर यांसारख्या संरक्षण आणि शासकीय…
करमाळा प्रतिनिधी सहकार, विश्वास आणि आर्थिक प्रगतीचा वारसा जपत ग्राहकांना आधुनिक बँकिंग सुविधा उपलब्ध करून…
करमाळा : प्रतिनिधी सोलापूर जिल्हा मध्यवर्ती सहकारी बँकेच्या निवडणुकीत करमाळा तालुक्यातील सोसायटी मतदारसंघातून शंभूराजे जयवंतराव…
जिंती (प्रतिनिधी) : शालेय जीवनातील आठवणी आणि गुरुजनांनी दिलेले संस्कार आयुष्यभर विसरता येत नाहीत.…