शिवजयंती उत्सवाच्या नियोजनासाठी १९ जानेवारी रोजी करमाळ्यात विचारविनिमय बैठक

करमाळा प्रतिनिधी 
करमाळा शहर व तालुका शिवजयंती उत्सव समितीच्या वतीने येत्या १९ फेब्रुवारी २०२६ रोजी साजऱ्या होणाऱ्या छत्रपती शिवाजी महाराजांच्या जयंती उत्सवाच्या पार्श्वभूमीवर सर्व शिवप्रेमी नागरिकांसाठी विचारविनिमय बैठक आयोजित करण्यात आली आहे. ही बैठक दिनांक १९ जानेवारी २०२६, वार सोमवार रोजी सायंकाळी ७ वाजता दत्त मंदिर कॉटेजजवळ, करमाळा येथे होणार आहे.
शिवजयंती उत्सव हा सामाजिक एकतेचे, राष्ट्रीय विचारांचे आणि शिवचरित्राच्या प्रेरणेचे प्रतीक असून हा उत्सव अधिक व्यापक, शिस्तबद्ध व उत्साहात साजरा करण्याच्या दृष्टीने सदर बैठक आयोजित करण्यात आली आहे. या बैठकीत शिवजयंती निमित्त मिरवणूक मार्ग, कार्यक्रमांचे नियोजन, सांस्कृतिक उपक्रम, सामाजिक उपक्रम, सजावट, स्वयंसेवकांची जबाबदारी, कायदा व सुव्यवस्था तसेच प्रशासनाशी समन्वय यासारख्या विविध महत्त्वाच्या विषयांवर सविस्तर चर्चा करण्यात येणार आहे.
करमाळा शहरासह तालुक्यातील सर्व शिवभक्त, सामाजिक कार्यकर्ते, युवक मंडळे, महिला मंडळे तसेच सर्व शिवप्रेमींनी या बैठकीस मोठ्या संख्येने उपस्थित राहून आपले विचार मांडावेत, असे आवाहन शिवजयंती उत्सव समितीच्या वतीने करण्यात आले आहे. सर्वांच्या सहकार्याने यावर्षीचा शिवजयंती उत्सव अधिक भव्य, प्रेरणादायी आणि ऐतिहासिक करण्याचा समितीचा मानस आहे.