गजानन सोशल अँड स्पोर्ट्स क्लबतर्फे २२ जानेवारीला गणेश जयंती उत्सवानिमित्त सहस्त्र आवर्तन गणेश याग व महाप्रसादाचे आयोजन -प्रशांत ढाळे

करमाळा प्रतिनिधी :
गजानन सोशल अँड स्पोर्ट्स क्लबच्या वतीने यंदाच्या वर्षी गणेश जयंती उत्सव गुरुवार, दिनांक २२ जानेवारी रोजी करमाळा शहरातील वेताळपेठ येथे मोठ्या उत्साहात व भक्तिभावात साजरा करण्यात येणार आहे, अशी माहिती क्लबचे अध्यक्ष नगरसेवक प्रशांत ढाळे यांनी दिली.
गणेश जयंतीनिमित्त सकाळपासून विविध धार्मिक कार्यक्रमांचे आयोजन करण्यात आले असून होम-हवन व सहस्त्र आवर्तन गणेश याग संपन्न होणार आहे. या धार्मिक कार्यक्रमांना भाविकांचा मोठा प्रतिसाद मिळण्याची अपेक्षा आयोजकांच्या वतीने व्यक्त करण्यात आली आहे. सायंकाळी ६ ते रात्री १० या वेळेत सर्व भाविकांसाठी महाप्रसादाचे आयोजन करण्यात आले असून करमाळा शहर व परिसरातील भाविक भक्तांनी मोठ्या संख्येने उपस्थित राहून महाप्रसादाचा लाभ घ्यावा, असे आवाहन करण्यात आले आहे.
गजानन सोशल अँड स्पोर्ट्स क्लब दरवर्षीप्रमाणे यंदाही गणेश जयंती उत्सव मोठ्या प्रमाणात साजरा करीत असून या उत्सवात सर्व जाती-धर्मांचे नागरिक सहभागी होत सामाजिक सलोखा व एकतेचा संदेश दिला जातो. शहरातील नागरिक एकत्र येऊन गुण्यागोविंदाने हा उत्सव साजरा करतात, हे या उत्सवाचे विशेष वैशिष्ट्य असल्याचे प्रशांत ढाळे यांनी सांगितले.
करमाळा शहरातील नागरिकांनी मोठ्या संख्येने उपस्थित राहून या गणेश जयंती उत्सव व महाप्रसादाचा लाभ घ्यावा, असे आवाहन गजानन सोशल अँड स्पोर्ट्स क्लबच्या वतीने करण्यात आले आहे.