लोकमंगल पतसंस्थेच्या करमाळा शाखेत मकर संक्रांतनिमित्त आयोजित हळदीकुंकू कार्यक्रम मोठ्या उत्साहात व खेळीमेळीच्या वातावरणात पार पडला. बुधवार, दि. २१ जानेवारी २०२६ रोजी झालेल्या या कार्यक्रमाची सुरुवात करमाळा नगरपालिकेच्या नूतन नगराध्यक्षा सौ. मोहिनीताई सावंत यांच्या हस्ते प्रतिमा पूजन करून करण्यात आली.
याप्रसंगी शाखेच्या सल्लागार डॉ. सौ. सुनीता दोशी यांनी लोकमंगल पतसंस्था व लोकमंगल समूहाच्या सामाजिक व आर्थिक कार्याची माहिती उपस्थित महिलांना दिली. पतसंस्थेच्या माध्यमातून राबविण्यात येणाऱ्या विविध उपक्रमांमुळे महिलांना आर्थिकदृष्ट्या सक्षम करण्याचा प्रयत्न केला जात असल्याचे त्यांनी नमूद केले.
कार्यक्रमास उपस्थित महिला खातेदारांना पतसंस्थेचा अहवाल, कॅलेंडर, माहितीपत्रक तसेच वाण देण्यात आले. तसेच शाखेच्या महिला कर्मचारी सौ. आरती पतंगे यांनी लोकमंगल पतसंस्थेच्या विविध बचत व कर्ज योजनांची सविस्तर माहिती दिली.
या कार्यक्रमास करमाळा शहरातील महिला खातेदारांची मोठ्या प्रमाणावर उपस्थिती होती. संक्रांतीच्या सणानिमित्त पारंपरिक वातावरणात झालेल्या या कार्यक्रमामुळे महिलांमध्ये उत्साहाचे वातावरण पाहायला मिळाले.
सदर कार्यक्रम यशस्वीपणे पार पाडण्यासाठी शाखाधिकारी तसेच शाखेतील महिला कर्मचारी सौ. सुलभा काळे, कु. सलोनी शिंदे आणि महेश अनारसे यांनी विशेष परिश्रम घेतले.
करमाळा प्रतिनिधी श्रीदेवीचा माळ येथील श्री जगदंबा कमलादेवी मंदिरात सहस्र श्री दुर्गा सप्तशती पाठ सेवेचे…
करमाळा प्रतिनिधी करमाळा–कुर्डूवाडी–नेरले मार्गावर सुरू असलेली एसटी बससेवा अचानक बंद झाल्याने नेरले परिसरातील नागरिक, विद्यार्थी…
करमाळा प्रतिनिधी : कमला भवानी बहुउद्देशीय संस्था, करमाळा यांच्या वतीने पं. के. एन. बोळंगे…
करमाळा प्रतिनिधी करमाळा शहरातील बसस्थानक परिसरात प्रवाशाच्या पर्समधून चोरीस गेलेल्या सुमारे १० लाख ५ हजार…
करमाळा प्रतिनिधी सात मिनिटांत 100 गणिते सोडविण्याच्या स्पर्धेत विद्यार्थ्यांची चमकदार कामगिरी; प्रथम ते सहाव्या…
करमाळा प्रतिनिधी श्रावण महिना हा भगवान महादेवाच्या भक्तीचा आणि उपासनेचा महिना मानला जातो. या पवित्र…