विश्वकर्मा तरुण मंडळाच्या वतीने गावगाडा साहित्य पुरस्कारासाठी साहित्यिकांना आवाहन – सोमनाथ टकले

करमाळा प्रतिनिधी ग्रामीण जीवन, लोकमानस आणि लोकसंस्कृतीचे प्रतिबिंब दर्शवणाऱ्या मराठी साहित्यास प्रोत्साहन देण्यासाठी विश्वकर्मा तरुण मंडळ वडशिवणे यांनी यावर्षीही गावगाडा साहित्य पुरस्कार देणार असल्याचे अध्यक्ष सोमनाथ मधुकर टकले यांनी जाहीर केले. हा पुरस्कार सोळावा वर्ष साजरा करीत असून यासाठी साहित्यिकांकडून प्रवेशिका मागविण्यात येत आहेत.
यावर्षी १ जानेवारी २०२४ ते ३१ डिसेंबर २०२५ या कालावधीत प्रकाशित कथासंग्रह पुरस्कारासाठी पात्र असतील. इच्छुक साहित्यिकांनी आपल्या साहित्यकृतीच्या दोन प्रती, लेखकाचा अल्पपरिचय आणि छायाचित्र पाठवावे. पुरस्काराचे स्वरूप रोख रक्कम, स्मृतिचिन्ह व सन्मानपत्र असे असून साहित्यिकांनी आपले साहित्य १० मार्च २०२६ पर्यंत पाठवावे.
सोमनाथ टकले यांनी सांगितले की, हा पुरस्कार ग्रामीण भागातील साहित्यिकांना व्यासपीठ उपलब्ध करून देण्यास आणि नव्या लेखकांना प्रोत्साहन देण्यास उपयुक्त ठरतो. यापूर्वी हा पुरस्कार भागवत बावळे (२०११), प्रा. डॉ. अर्जुन होटकर (२०१२), . कल्पना दुधाळ (२०१३), पार्थ पोळके (२०१४), सतीश दराडे (२०१५), ऐश्वर्य पाटेकर (२०१६), रावसाहेब कुंवर (२०१७), तुकाराम पाटील (२०१८), दिनकर कुटे (२०१९), जयदीप विघ्ने (२०२०), हरिश्चंद्र पाटील (२०२१), डॉ. कालिदास शिंदे व बाबुराव इंगळे (२०२२), तान्हाजी बो-हाडे (२०२३), प्रकाश सोनाळकर (२०२४) आणि मारोती मानेमोड (२०२५) यांसारख्या मान्यवर साहित्यिकांना प्रदान करण्यात आला आहे.
साहित्यिकांनी आपले साहित्य पुढील पत्त्यावर पाठवावे –
सोमनाथ मधुकर टकले, मु. पो. वडशिवणे, ता. करमाळा, जि. सोलापूर – ४१३२२३.
मो. ९६९९७६०८०२.
यावेळी दिनेश आदलिंगे, डॉ. जनार्दन भोसले, दत्तात्रय पिसाळ आणि बाबुराव इंगळे उपस्थित होते.