Categories: करमाळा

अखंड हिंदुस्तानचे दैवत छत्रपती शिवाजी महाराज जयंतीनिमित्त १९ फेब्रुवारीला करमाळ्यात भव्य रक्तदान शिबीर

करमाळा प्रतिनिधी: अखंड हिंदुस्तानचे दैवत म्हणून ओळखले जाणारे छत्रपती शिवाजी महाराज यांच्या जयंतीनिमित्त करमाळा शहरात भव्य रक्तदान शिबिराचे आयोजन करण्यात आले आहे. गुरुवार, दि. १९ फेब्रुवारी २०२६ रोजी सकाळी ९.०० वाजता छत्रपती चौक, करमाळा येथे या रक्तदान शिबिरास प्रारंभ होणार आहे.
शिवजयंती उत्सवाचे औचित्य साधून सामाजिक बांधिलकी जपत हा उपक्रम राबविण्यात येत आहे. “रक्तदान करून शिवजन्मोत्सव साजरा करूया” असा संदेश देत नागरिकांनी मोठ्या संख्येने सहभागी व्हावे, असे आवाहन आयोजकांनी केले आहे. शिवभक्तांसाठी ही केवळ जयंती नसून समाजासाठी काहीतरी देण्याची संधी असल्याचेही त्यांनी नमूद केले.
या रक्तदान शिबिराचे आयोजन शिवजयंती उत्सव समिती करमाळा शहर व तालुका यांच्या वतीने करण्यात आले असून शहरातील विविध सामाजिक संस्था, तरुण मंडळे व शिवप्रेमींचा उत्स्फूर्त प्रतिसाद लाभत आहे. शिबिरासाठी आवश्यक वैद्यकीय सुविधा उपलब्ध करून देण्यात येणार असून रक्तदात्यांची सर्व वैद्यकीय तपासणी करून सुरक्षित पद्धतीने रक्तसंकलन करण्यात येणार आहे.
गरजू रुग्णांना वेळेवर रक्त उपलब्ध व्हावे हा या उपक्रमामागील मुख्य उद्देश आहे. सध्या विविध रुग्णालयांमध्ये रक्ताची कमतरता भासत असल्याने अशा शिबिरांची गरज अधिक अधोरेखित होत आहे. शिवजयंतीच्या निमित्ताने रक्तदानासारखा समाजोपयोगी उपक्रम हाती घेतल्याबद्दल शहरात समाधान व्यक्त होत आहे.करमाळा शहर व परिसरातील नागरिकांनी मोठ्या संख्येने उपस्थित राहून रक्तदान करावे, असे आवाहन शिवजयंती उत्सव समितीच्या पदाधिकाऱ्यांनी केले आहे.

saptahikpawanputra

Recent Posts

बीजमाता पद्मश्री राहीबाईंच्या विचारांचा जागर; जिव्हाळा स्नेहमेळाव्यात वीस समाजरत्नांचा गौरव.

करमाळा प्रतिनिधी : मातीच्या कुशीत जपलेले बीज उद्याची सृष्टी घडवते, तर समाजात रुजलेला सेवाभाव भावी…

22 hours ago

दहिगाव उपसा सिंचन योजनेच्या आवर्तनासाठी संजयमामा शिंदे ॲक्शन मोडवर! पालकमंत्री जयकुमार गोरे यांची भेट घेऊन आवर्तन एक महिना अगोदर सुरू करण्याची मागणी

  करमाळा प्रतिनिधी : दहिगाव उपसा सिंचन योजनेच्या आवर्तनाचा प्रश्न मार्गी लावण्यासाठी माजी आमदार संजयमामा…

4 days ago