करमाळ्यात श्री खोलेश्वर महादेवाच्या नंदीची 20 फेब्रुवारीला भव्य मिरवणूक

करमाळा (प्रतिनिधी) – करमाळा शहरातील ग्रामदैवत श्री खोलेश्वर महादेव मंदिर येथे दरवर्षी आयोजित होणारा नंदी उत्सव यंदाही भक्तिपूर्ण वातावरणात साजरा केला जाणार आहे. सालाबादानुसार, मित्ती फाल्गुन शु. तृतीया, शुक्रवार दि. २० फेब्रुवारी २०२६ रोजी सायंकाळी ५.५५ वाजता श्री खोलेश्वर महादेवाच्या नंदीची भव्य मिरवणूक खांद्यावरून निघणार आहे
श्री खोलेश्वर आरती मंडळ व नंदी उत्सव समिती, करमाळा यांच्या वतीने उत्सवाचे आयोजन करण्यात आले असून, अध्यक्ष, उपाध्यक्ष, खजिनदार, सचिव, पुजारी, मानकरी आणि सर्व सभासदांच्या मार्गदर्शनाखाली कार्यक्रमाची तयारी जोरात सुरू आहे. समितीने मार्गदर्शनाची संपूर्ण व्यवस्था केली असून, भक्तांसाठी सर्व सोयीसुविधा उपलब्ध आहेत.
भक्तिमय वातावरणात ढोल-ताशांचा गजर, टाळ-मृदुंगाचा निनाद आणि “हर हर महादेव”च्या जयघोषात मिरवणूक शहरातील
किल्ला वेस वेताळ पेठ फुलसौंदर चौक जय महाराष्ट्र चौक गुजर गल्ली छत्रपती चौक दत्त पेठ सुभाष चौक राशिन पेठ डॉ.आंबेडकर पुतळा गायकवाड चौक → किल्ला विभाग महादेव मंदिरमार्गक्रमणानंतर उपस्थित भक्तांसाठी महाप्रसादचे आयोजन समितीच्यावतीने करण्यात आले असून मंडळाच्या वतीने सर्व भाविकांना मोठ्या संख्येने मिरवणुकीत सहभागी होण्याचे आवाहन करण्यात आले आहे. समितीने विशेषतः शहरातील सर्व शिवभक्तांना हा उत्सव अनुभवण्याचे निमंत्रण दिले आहे.शहरातील प्रत्येक घटक – धार्मिक, सांस्कृतिक आणि सामाजिक – या उत्सवात सहभागी होऊन करमाळा शहरातील ऐतिहासिक व भक्तिपूर्ण परंपरेला उजाळा देण्याची संधी लाभणार आहे.