करमाळा पोलीस ठाणे हद्दीत दाखल चोरीच्या गुन्ह्याचा यशस्वी तपास करत पोलिसांनी सुमारे 2 लाख 10 हजार रुपये किमतीचा सोन्याचा मुद्देमाल हस्तगत करून न्यायालयाच्या आदेशानुसार फिर्यादीस परत दिला. या कारवाईमुळे तालुक्यातील नागरिकांमध्ये समाधान व्यक्त होत आहे.
गुन्हा क्रमांक 788/2024 भा. न्या. संहिता कलम 305(अ) अन्वये दाखल असलेल्या प्रकरणाचा तपास सुरू असताना पोलिसांनी संशयित आरोपी रामेश्वर जंगल्या भोसले (रा. पांडेगव्हाण, ता. आष्टी, जि. बीड) यास ताब्यात घेतले. सखोल चौकशीदरम्यान त्याने गुन्ह्याची कबुली देत चोरी केलेला सोन्याचा मुद्देमाल स्वतःच्या ताब्यात असल्याचे सांगितले. त्यानुसार पोलिसांनी 7 ग्रॅम वजनाची सोन्याची ठुशी व 8 ग्रॅम वजनाची सोन्याची कानातील दोन फुले असा एकूण 2 लाख 10 हजार रुपये किमतीचा ऐवज जप्त केला.
सदर मुद्देमाल मा. न्यायालयाच्या आदेशानुसार फिर्यादी अभिजीत जीवन सरडे (रा. कंदर, ता. करमाळा, जि. सोलापूर) यांना परत देण्यात आला. मुद्देमाल परत मिळाल्याने फिर्यादी यांनी पोलीस प्रशासनाचे आभार मानले.
ही कारवाई पोलीस अधीक्षक अतुल कुलकर्णी (सोलापूर ग्रामीण), अपर पोलीस अधीक्षक प्रीतम यावलकर (सोलापूर ग्रामीण) तसेच सहाय्यक पोलीस अधीक्षक अंजना कृष्णा व्ही. एस. (करमाळा उपविभाग) यांच्या मार्गदर्शनाखाली पोलीस निरीक्षक रणजीत माने यांच्या नेतृत्वाखाली API गिरीजा मस्के व पथकातील अधिकारी-कर्मचाऱ्यांनी केली.
दुसऱ्या गुन्ह्यातील सोन्याची अंगठीही परत
दरम्यान, करमाळा पोलीस ठाणे गुन्हा रजिस्टर क्रमांक 926/2025 भारतीय न्याय संहिता-2023 चे कलम 74, 75(2), 316(2) अन्वये दाखल गुन्ह्यातील मुद्देमालही परत करण्यात आला आहे. या प्रकरणातील 4 ग्रॅम 990 मिलिग्रॅम वजनाची सोन्याची पीळ्याची अंगठी मा. अतिरिक्त सत्र न्यायदंडाधिकारी, बार्शी यांच्या आदेशान्वये फिर्यादी मन्नाबी हरून शेख (रा. करमाळा, ता. करमाळा, जि. सोलापूर) यांना सुपूर्द करण्यात आली.
पोलीस प्रशासन नागरिकांच्या मालमत्तेचे संरक्षण करण्यासाठी कटिबद्ध असून गुन्हेगारांविरुद्ध कठोर कारवाई सुरूच राहणार असल्याचे पोलीस निरीक्षकांनी सांगितले.
करमाळा प्रतिनिधी *अनंत विभूषित जगद्गुरु रामानंदाचार्य नरेंद्राचार्यजी* (नाणीजधाम) यांच्या पवित्र पादुकांचे दर्शन सोहळा शुक्रवार, दि.…
करमाळा प्रतिनिधी करमाळा येथील उपजिल्हा रुग्णालय, करमाळा या महत्त्वाच्या आरोग्य केंद्रात विविध त्रुटी आढळून येत…
करमाळा प्रतिनिधी करमाळा येथील श्रीमान भाऊसाहेब झाडबुके इंग्लिश मिडीयम प्रायमरी स्कूलमध्ये ‘आनंद बाजार’ हा उपक्रम…
करमाळा प्रतिनिधी यशवंतराव चव्हाण महाविद्यालय येथे डॉ. सौ. केसरजहाँ लिखित अब्बा बरोबर आहेत या पुस्तकाचा…
करमाळा (प्रतिनिधी) – करमाळा शहरातील ग्रामदैवत श्री खोलेश्वर महादेव मंदिर येथे दरवर्षी आयोजित होणारा नंदी…
* करमाळा प्रतिनिधी शहराच्या सौंदर्यवर्धनासह मूलभूत सुविधांच्या उभारणीसाठी महत्त्वाचे पाच विकास प्रस्ताव आगामी सर्वसाधारण सभेच्या…