‘
करमाळा येथील श्रीमान भाऊसाहेब झाडबुके इंग्लिश मीडियम स्कूल येथे जागतिक विज्ञान दिन मोठ्या उत्साहात आणि प्रेरणादायी वातावरणात साजरा करण्यात आला. विद्यार्थ्यांमध्ये वैज्ञानिक दृष्टिकोन विकसित करणे, विज्ञानाविषयी कुतूहल निर्माण करणे आणि प्रयोगशील वृत्तीला चालना देणे या उद्देशाने विविध उपक्रमांचे प्रभावी आयोजन करण्यात आले होते. संस्थेच्या संचालिका मा. सौ. वर्षाताई ठोंबरे मॅडम यांच्या मार्गदर्शनाखाली कार्यक्रमाची सुयोग्य आखणी करण्यात आली.
कार्यक्रमाचे उद्घाटन एलबीसीटीचे समन्वयक मा. श्री. हमीद काझी सर, झाडबुके महाविद्यालयाचे प्राचार्य मा. श्री. अतुल ढवळे सर, सुमित वाघमारे सर आणि धुमाळ सर यांच्या हस्ते दीपप्रज्वलन करून करण्यात आले. यावेळी मान्यवरांनी विद्यार्थ्यांना विज्ञान हे केवळ पाठ्यपुस्तकापुरते मर्यादित न ठेवता दैनंदिन जीवनात त्याचा उपयोग समजून घेण्याचे आवाहन केले.
‘जय जवान, जय किसान, जय विज्ञान’ या घोषवाक्यावर आधारित या कार्यक्रमात विद्यार्थ्यांनी स्वयंस्फूर्त आणि उत्साहपूर्ण सहभाग नोंदविला. इयत्तानुसार विद्यार्थ्यांनी विविध लघु वैज्ञानिक प्रयोग सादर केले. पाण्याचे शुद्धीकरण, हवेचा दाब, चुंबकत्व, विद्युत प्रवाह, रासायनिक अभिक्रिया, सौरऊर्जेचा वापर अशा विविध विषयांवरील प्रयोगांनी उपस्थितांची मने जिंकली. विद्यार्थ्यांनी प्रयोगांचे सादरीकरण करताना त्यामागील वैज्ञानिक तत्त्वे सोप्या व प्रभावी भाषेत स्पष्ट केली.
या प्रयोगांमधून विद्यार्थ्यांची जिज्ञासा, निरीक्षणशक्ती, चिकाटी आणि प्रामाणिकपणा यांचे उत्कृष्ट दर्शन घडले. विज्ञान विषयाविषयी असलेली भीती दूर करून आत्मविश्वास वाढविण्यात या उपक्रमाचा मोठा वाटा ठरला. बार्शी टेक्निकल हायस्कूलचे शिक्षक मा. श्री. अमोल बारकुल सर यांचे या कार्यक्रमासाठी विशेष मार्गदर्शन लाभले. त्यांनी विद्यार्थ्यांना प्रयोग करताना सुरक्षितता, अचूकता आणि सर्जनशीलता यांचे महत्त्व पटवून दिले.
कार्यक्रमाच्या यशस्वीतेसाठी मुख्याध्यापिका सौ. सोनाली पवार मॅडम यांनी विशेष पुढाकार घेतला. तसेच शिक्षिका मेघा कांबळे मॅडम, प्रीती आहेर मॅडम, संध्या चव्हाण मॅडम, सविता ठोसर मॅडम व शिक्षकेतर कर्मचाऱ्यांनी नियोजनबद्ध परिश्रम घेत कार्यक्रम सुरळीत पार पाडला.
एकूणच, जागतिक विज्ञान दिनानिमित्त आयोजित या उपक्रमामुळे विद्यार्थ्यांमध्ये विज्ञानाविषयीची आवड अधिक दृढ झाली असून भविष्यातील वैज्ञानिक घडविण्याच्या दिशेने हे एक सकारात्मक पाऊल ठरले आहे.
करमाळा : प्रतिनिधी देशाच्या रक्षणासाठी प्राणार्पण करणारे शहीद जवान नवनाथ गात यांच्या २३ व्या स्मृतीदिनानिमित्त…
*खरंतर या विषयावर लिहावं की नको या दोलायमान मनस्थितीत मी होतो. विषय म्हटला तर सेन्सेटिव्ह…
करमाळा प्रतिनिधी करमाळा येथील पवार जनरल हॉस्पिटल यांच्या वतीने आयोजित करण्यात आलेल्या मोफत अस्थिरोग व…
करमाळा प्रतिनिधी करमाळा तालुक्यातील नागरिकांची शासकीय कामे सुलभ व जलद गतीने मार्गी लावण्यासाठी महसूल प्रशासनाकडून…
करमाळा प्रतिनिधी : श्रीराम प्रतिष्ठानच्या वतीने सालाबादप्रमाणे यावर्षी देखील सर्वधर्मीय सामुदायिक विवाह सोहळ्याचे आयोजन करण्यात…
करमाळा प्रतिनिधी करमाळा येथील नगर परिषद हद्दीतील घरपट्टीवरील व्याज तात्काळ रद्द करून मालमत्ता धारकांना दिलासा…