मनसेचे तालुकाध्यक्ष संजय (बापू) घोलप यांनी पत्रकारांशी बोलताना ही बाब जोरदारपणे उपस्थित केली. नवीन स्मार्ट मीटर बसवताना ग्राहकांना देण्यात आलेल्या आश्वासनाचा त्यांनी उल्लेख केला. ते म्हणाले, “नवीन सिमकार्ड असलेली स्मार्ट मीटर बसवताना ग्राहकांना सांगण्यात आले होते की, आता वीज बिल वाचनासाठी मीटरजवळ जाण्याची आवश्यकता नाही. त्यामुळे वेळेवर बिल मिळेल, एवढेच सांगण्यात आले. मात्र, बिल थकल्यास केवळ ३० दिवसांत कनेक्शन कापले जाईल, ही अट कधीच ग्राहकांना सांगण्यात आली नव्हती किंवा जाहीरही करण्यात आली नव्हती.”
श्री. घोलप यांनी या नियमाला जाचक आणि अमानवीय ठरवले. सध्याच्या महागाईच्या काळात, सरकारी कर्मचारी असो वा शेतकरी, सर्वसामान्यांची आर्थिक उलाढाल मंद गतीने होत असल्याकडे त्यांनी लक्ष वेधले. “अशा परिस्थितीत केवळ एका महिन्याच्या थकबाकीवर वीज कनेक्शन तोडणे म्हणजे गोरगरीबांना विजेपासून वंचित ठेवून त्यांच्यावर अन्याय करण्यासारखे आहे. ही अट इंग्रजांच्या काळातील जाचक कायद्यांप्रमाणे असून, नागरिकांमध्ये याबद्दल तीव्र नाराजी आहे,” असे ते म्हणाले.
मनसे तालुकाध्यक्षांनी यासंदर्भात ठोस भूमिका मांडताना मागणी केली की, “किमान एक आर्थिक वर्ष (मार्च ते मार्च) थकबाकीची मुदत द्यावी. एका महिन्याच्या थकबाकीवर कनेक्शन कट करण्याची ही अन्यायकारक अट त्वरित रद्द करावी.”
याप्रश्नी लवकरच सोलापूरचे पालकमंत्री मा. जयकुमार गोरे यांची भेट घेऊन निवेदन देणार असल्याचे त्यांनी सांगितले. तसेच, ही मागणी मान्य न झाल्यास महाराष्ट्र नवनिर्माण सेना आणि मनसैनिक राज्यभर रस्त्यावर उतरतील, असा इशाराही त्यांनी दिला. “सरकार जनतेच्या हितासाठी आहे की महामंडळाच्या ठेकेदारांच्या हितासाठी, हे लोकांना कळायला हवे,” असे टीकात्मक वक्तव्य करत त्यांनी सरकारचा हा निर्णय जनविरोधी असल्याचे म्हटले आहे.
सोलापूर, शहर प्रतिनिधी. ‘सरस ते साहित्य, समरस तो साहित्यिक’ हे ब्रीद घेऊन मराठी साहित्यविश्वात कार्यरत…
करमाळा (प्रतिनिधी) : करमाळा शहरातील दिव्यरत्न सिटी येथे चॅम्पियन क्लब हाऊसच्या वतीने आयोजित करण्यात आलेल्या…
करमाळा प्रतिनिधी करमाळा तालुक्यातील शेतकऱ्यांच्या प्रलंबित प्रश्नांना न्याय मिळवून देण्यासाठी शुक्रवार, दि. १३ नोव्हेंबर २०२६…
करमाळा प्रतिनिधी दुष्काळाच्या झळा केवळ माणसांनाच सोसाव्या लागत नाहीत, तर जंगलातील मुके वन्यजीवही पाण्याच्या थेंबासाठी…
करमाळा प्रतिनिधी : दीपावली पाडव्याच्या पावन निमित्ताने करमाळा येथील श्री कमलाभवानी मंदिरात छत्रपती शिवाजी…
करमाळा प्रतिनिधी : प्रतिकूल परिस्थिती, संघर्ष आणि अनेक अडचणींवर मात करत जिद्द, चिकाटी व कठोर…