महाविद्यालयाच्या विजयश्री सभागृहात १२ मार्च रोजी यशवंतराव चव्हाण यांच्या प्रतिमेचे पूजन विद्या विकास मंडळाचे सचिव विलासराव घुमरे यांच्या हस्ते करण्यात आले. यावेळी संस्थेचे अध्यक्ष प्राचार्य मिलिंद फंड, महाविद्यालयाचे प्राचार्य डॉ. अभिमन्यू माने, उपप्राचार्य डॉ. अनिल साळुंखे, प्रशासन अधिकारी संभाजी किर्दाक यांच्यासह महाविद्यालयातील सर्व प्राध्यापक, शिक्षकेतर कर्मचारी व बहुसंख्येने विद्यार्थी उपस्थित होते.
जयंतीनिमित्त “यशवंतराव चव्हाण : जीवन व कार्य” या विषयावर वक्तृत्व स्पर्धेचे आयोजन करण्यात आले होते. या स्पर्धेत महाविद्यालयातील सुमारे वीस विद्यार्थ्यांनी उत्स्फूर्त सहभाग घेत यशवंतराव चव्हाण यांच्या व्यक्तिमत्त्वाचे विविध पैलू प्रभावीपणे मांडले. या स्पर्धेत कु. शिवांजली कुदळे हिने प्रथम क्रमांक पटकावला, तर द्वितीय क्रमांक कु. नेहा मचाले आणि तृतीय क्रमांक कु. संजना मारडकर हिने मिळवला. उत्तेजनार्थ पारितोषिक श्री. विश्वभर लांडगे व कु. शबाना पठाण यांना प्रदान करण्यात आले. सर्व विजेत्या तसेच सहभागी विद्यार्थ्यांना प्रमाणपत्र देऊन गौरविण्यात आले.
यावेळी “यशवंतराव चव्हाण : जीवन व कार्य” या विषयावर डॉ. मुक्ता काटवटे यांचे विशेष व्याख्यान आयोजित करण्यात आले होते. आपल्या व्याख्यानात त्यांनी यशवंतराव चव्हाण यांचे राजकीय, सामाजिक आणि विकासात्मक योगदान अधोरेखित केले. महाराष्ट्राच्या घडणीत त्यांच्या दूरदृष्टीपूर्ण नेतृत्वाचा मोठा वाटा असल्याचे त्यांनी सांगितले. सहकार, शिक्षण, औद्योगिक विकास आणि लोकाभिमुख प्रशासन यामध्ये चव्हाण यांचे कार्य उल्लेखनीय असल्याचे त्यांनी उदाहरणांसह स्पष्ट केले.
कार्यक्रमाच्या अध्यक्षस्थानी महाविद्यालयाचे प्राचार्य डॉ. ए. पी. माने होते. त्यांनी आपल्या अध्यक्षीय भाषणात विद्यार्थ्यांनी यशवंतराव चव्हाण यांच्या विचारांपासून प्रेरणा घेऊन समाजकार्यात सक्रिय भूमिका बजावावी, असे आवाहन केले.
कार्यक्रमाचे प्रास्ताविक मराठी विभागप्रमुख प्रा. नितीन तळपाडे यांनी केले. सूत्रसंचालन डॉ. चारू देवकर व प्रा. विष्णू शिंदे यांनी केले, तर कार्यक्रमाचे आभार डॉ. वंदना भाग्यवंत यांनी मानले. कार्यक्रमास महाविद्यालयातील सर्व प्राध्यापक, प्रशासकीय कर्मचारी व मोठ्या संख्येने विद्यार्थी उपस्थित होते.
करमाळा, प्रतिनिधी : करमाळा येथील श्री संत नामदेव शिंपी समाजाच्या वतीने श्रीसंत नामदेव शिंपी महाराज…
करमाळा प्रतिनिधी : राष्ट्रवादी काँग्रेसचे करमाळा तालुकाध्यक्ष तथा पंचायत समिती सदस्य भरत (भाऊ) आवताडे यांच्या…
* करमाळा, प्रतिनिधी : करमाळा शहरातील शाहूनगर परिसरातील नागरिकांच्या दीर्घकाळ प्रलंबित असलेल्या पाणीप्रश्नाच्या निराकरणाच्या दिशेने…
करमाळा (प्रतिनिधी) – करमाळा येथील ग्रामदैवत श्रीजगदंबा कमलादेवी मंदिराच्या जतन व संवर्धनाच्या कामाला भाविकांचा उत्स्फूर्त…
करमाळा प्रतिनिधी : संजय गांधी निराधार योजनेची प्रकरणे मार्च महिन्यामध्ये मंजूर झाली होती त्यानंतर चार…
करमाळा प्रतिनिधी भाषा ही केवळ परीक्षेतील गुणांची बाब नसून विद्यार्थ्यांच्या विचारांना आकार देणारे आणि जगाशी…