करमाळा प्रतिनिधी जागतिक महिला दिनाचे औचित्य साधून करमाळा नगर परिषद आणि अखिल भारतीय ग्राहक पंचायत यांच्या संयुक्त विद्यमाने शहरात विविध स्पर्धा आणि सांस्कृतिक कार्यक्रमांचे आयोजन करण्यात आले होते. ९ ते ११ मार्च या कालावधीत रंगलेल्या या महोत्सवात करमाळा शहरातील महिलांनी उत्स्फूर्त सहभाग नोंदवला.
विविध खेळांचे आयोजन व उद्घाटन
कार्यक्रमाची सुरुवात ९ मार्च रोजी विकी मंगल कार्यालय येथे झाली. यावेळी संगीत खुर्ची आणि ‘बकेटमध्ये बॉल टाकणे’ या स्पर्धांचे उद्घाटन करमाळा नगरपरिषदेच्या नगराध्यक्षा मा. सौ. मोहिनीताई सावंत, महिला व बालकल्याण समिती सभापती श्रीमती निर्मलाताई गायकवाड आणि सर्व नगरसेविकांच्या हस्ते करण्यात आले.
स्पर्धांमधील विजेते:
संगीत खुर्ची: वर्षा गायकवाड (प्रथम), आम्रपाली कांबळे (द्वितीय), नलिनी जाधव (तृतीय).
बकेटमध्ये बॉल टाकणे: शितल कोंगे (प्रथम), सुनिता कणसे (द्वितीय), आम्रपाली कांबळे (तृतीय).
पाककृती स्पर्धा: कीर्ती पाचकवडे-दिरगुळे (प्रथम), नलिनी जाधव (द्वितीय), ललिता शिंदे व मनिषा जितेश कांबळे (तृतीय- विभागून).
उखाणे स्पर्धा: सुलभा मुळे (प्रथम), सविता सुपेकर (द्वितीय), मनिषा बाभळे (तृतीय).
सांस्कृतिक कार्यक्रम आणि बक्षीस वितरण
११ मार्च रोजी या महोत्सवाचा समारोप सांस्कृतिक कार्यक्रम आणि बक्षीस वितरणाने झाला. कार्यक्रमाच्या अध्यक्षस्थानी नगराध्यक्षा सौ. मोहिनीताई सावंत होत्या, तर प्रमुख पाहुण्या म्हणून डॉ. स्मिता बंडगर उपस्थित होत्या. यावेळी व्यासपीठावर निर्मलाताई गायकवाड, ज्योतीताई शहाणे, श्रद्धा तपसे, अंजली श्रीवास्तव, स्वाती माने यांसह नगर परिषदेच्या सर्व नगरसेविका आणि अखिल भारतीय ग्राहक पंचायतीचे पदाधिकारी उपस्थित होते.
सांस्कृतिक कार्यक्रमात महिलांनी लोकगीत, एकपात्री नाटक, देवीची गाणी, ग्रुप डान्स, लावणी आणि रिमिक्स गाण्यांवर नृत्य सादर करून आपल्या कलागुणांचे दर्शन घडवले.
याप्रसंगी सौ. प्रियंका गायकवाड यांनी आपले मनोगत व्यक्त केले, तर सौ. माधुरी परदेशी यांनी अखिल भारतीय ग्राहक पंचायतीच्या कार्याबद्दल माहिती दिली. या कार्यक्रमास न. प. च्या आजी माजी नगरसेविका व अधिकारी वर्ग स्वाती फंड, लता घोलप, अश्विनी अब्दुले, अर्चना आलाट, जबीन मुलाणी, जोत्स्ना लुणिया, चैताली सावंत, सुनिता ढाणे, पुजा इंदलकर, संगीता खाटेर, अश्विनी जाधव, शितल बहाड, सुप्रिया पालखे, बचत गटातील महिला उपस्थित होत्या. कार्यक्रमाचे आभार प्रदर्शन अश्विनी जाधव यांनी केले. या यशस्वी आयोजनाबद्दल शहरातील महिला वर्गातून समाधान व्यक्त होत आहे.
करमाळा प्रतिनिधी : अहमदनगर जिल्ह्यातील कर्जत तालुक्यातील पाटेगाव येथील रहिवासी तसेच सामाजिक कार्यकर्ते व नगरसेवक…
करमाळा प्रतिनिधी वसंतराव नाईक कृषी संशोधन व ग्रामीण विकास प्रतिष्ठानच्या वतीने देण्यात येणाऱ्या विविध कृषी…
करमाळा प्रतिनिधी पत्रकारांबाबत करण्यात आलेल्या कथित अपमानास्पद व धमकीवजा वक्तव्याचा तीव्र निषेध करत अखिल भारतीय…
* करमाळा प्रतिनिधी: वेगाने बदलणाऱ्या आधुनिक शिक्षण व्यवस्थेत विद्यार्थ्यांच्या सर्वांगीण विकासासाठी मूल्याधिष्ठित व आध्यात्मिक…
करमाळा प्रतिनिधी आषाढी एकादशी अवघ्या काही दिवसांवर येऊन ठेपली असून शहरातील सर्व मुख्य रस्त्यांची…
" करमाळा प्रतिनिधी छत्रपती राजर्षी शाहू महाराज जयंती आणि मोहरम सणाचे औचित्य साधून हिंदू-मुस्लिम ऐक्याचा…