उपाध्यक्ष – सुदर्शन तळेकर पेट्रोल पंप डीलर असोसिएशन करमाळा सदस्य -आशुतोष उर्फ रिंकू घुमरे, रामदास झोळ सर, प्रीतम राठोड, पंकज क्षीरसागर, सुरज दोषी,राजोपाध्याय, मधुकर मारकड,शिवराज रोकडे, बंडू काळे, निलेश सपकाळ,सर्व पदाधिकारी यांनी निवेदन देऊन प्रशासनाने या प्रकरणात कठोर कारवाई करावी, अशी मागणी केली आहे.
असोसिएशनच्या निवेदनानुसार कोर्टी परिसरात फिरवून त्यामध्ये बसवलेल्या खाजगी बाऊसरमधून उघडपणे डिझेल विक्री केली जात असल्याचा आरोप करण्यात आला आहे. ही गाडी तालुक्यातील विविध गावांमध्ये तसेच सार्वजनिक ठिकाणी फिरत दुचाकी, चारचाकी वाहनांमध्ये तसेच प्लास्टिकच्या कॅनमध्ये (जेरिकॅन) डिझेल भरून देत असल्याचेही निवेदनात नमूद करण्यात आले आहे.
या प्रकारात कोणतेही सुरक्षा नियम पाळले जात नसल्याने मोठा धोका निर्माण होत असल्याचे पेट्रोल पंप चालकांचे म्हणणे आहे. पेट्रोलियम सुरक्षेशी संबंधित नियमांचे उल्लंघन करून ही विक्री केली जात असल्याचा आरोपही असोसिएशनने केला आहे.
असोसिएशनच्या माहितीनुसार, पेट्रोलियम अँड एक्स्प्लोसिव्ह सेफ्टी ऑर्गनायझेशन (PESO) ने २५ मार्च २०२२ रोजी जारी केलेल्या मार्गदर्शक सूचनांनुसार बाऊसरमधून प्लास्टिक कॅनमध्ये किंवा थेट वाहनांमध्ये इंधन देण्यास मनाई आहे. तसेच अधिकृत बाऊसरला केवळ निश्चित ‘जिओ-फेन्स्ड’ ठिकाणीच इंधन भरण्याची परवानगी असते. मात्र कोर्टी परिसरात खाजगी आणि बेकायदेशीर बाऊसरद्वारे सर्रास नियमांचे उल्लंघन होत असल्याचा आरोप करण्यात आला आहे.
याशिवाय मोटार स्पिरिट आणि हाय-स्पीड डिझेल आदेश २००५ अंतर्गत पेट्रोल पंपाच्या अधिकृत जागेबाहेर अशा प्रकारे फिरती विक्री करणे हा दखलपात्र गैरप्रकार असल्याचे निवेदनात नमूद करण्यात आले आहे. तसेच जीवनावश्यक वस्तू कायदा १९५५ च्या कलम ३ व ७ नुसार परवाना नसलेल्या ठिकाणी डिझेलची विक्री किंवा वाहतूक करणे हा फौजदारी गुन्हा ठरू शकतो. कलम ६-अ अंतर्गत संबंधित वाहन जप्त करण्याची तरतूदही असल्याचे असोसिएशनने स्पष्ट केले आहे.
या बेकायदेशीर प्रकारामुळे कोणत्याही क्षणी आग किंवा स्फोट होऊन मोठी जीवितहानी होण्याची भीती व्यक्त करण्यात आली आहे. त्याचबरोबर अधिकृत परवानाधारक पेट्रोल पंप चालकांचे मोठे आर्थिक नुकसान होत असल्याचेही असोसिएशनने म्हटले आहे.
दरम्यान हे निवेदन पोलीस उपविभागीय अधिकारीअंजना, कृष्णा पोलीस निरीक्षक रणजीत माने तसेच तहसीलदार शिल्पाताई ठोकडे यांना देण्यात आले आहे.
महसूल व पोलीस प्रशासनाने तातडीने घटनास्थळी छापा टाकून संबंधित मोबाईल बाऊसर व त्यातील डिझेल साठा जप्त करावा. तसेच वाहन मालक आणि संबंधित व्यक्तींवर करमाळा पोलीस ठाण्यात फौजदारी गुन्हा दाखल करावा, अशी ठाम मागणी पेट्रोल पंप डीलर्स असोसिएशनने केली आहे.
या निवेदनासोबत संबंधित प्रकाराचे फोटो व व्हिडिओ पुरावे तसेच असोसिएशनच्या सदस्यांच्या सह्यांची यादी जोडण्यात आली असल्याची माहिती देण्यात आली आहे.
करमाळा प्रतिनिधी श्रीदेवीचा माळ येथील श्री जगदंबा कमलादेवी मंदिरात सहस्र श्री दुर्गा सप्तशती पाठ सेवेचे…
करमाळा प्रतिनिधी करमाळा–कुर्डूवाडी–नेरले मार्गावर सुरू असलेली एसटी बससेवा अचानक बंद झाल्याने नेरले परिसरातील नागरिक, विद्यार्थी…
करमाळा प्रतिनिधी : कमला भवानी बहुउद्देशीय संस्था, करमाळा यांच्या वतीने पं. के. एन. बोळंगे…
करमाळा प्रतिनिधी करमाळा शहरातील बसस्थानक परिसरात प्रवाशाच्या पर्समधून चोरीस गेलेल्या सुमारे १० लाख ५ हजार…
करमाळा प्रतिनिधी सात मिनिटांत 100 गणिते सोडविण्याच्या स्पर्धेत विद्यार्थ्यांची चमकदार कामगिरी; प्रथम ते सहाव्या…
करमाळा प्रतिनिधी श्रावण महिना हा भगवान महादेवाच्या भक्तीचा आणि उपासनेचा महिना मानला जातो. या पवित्र…