करमाळ्यात 15 ते 21 मे दरम्यान स्नेहगंगामाई आळंदीकर यांच्या शिव महापुराण कथेचे भव्य आयोजन – श्रेणिकशेठ खाटेर*

*
करमाळा प्रतिनिधी करमाळा येथील भागवत कथा ज्ञानयज्ञ समिती व संत गजानन महाराज मंदिर समिती यांच्या संयुक्त विद्यमाने स्नेहगंगा माई आळंदीकर यांच्या शिव महापुराण कथेचे भव्य आयोजन दि. 15 मे ते 21 मे या कालावधीत करण्यात येणार असल्याची माहिती सामाजिक कार्यकर्ते श्रेणिकशेठ खाटेर यांनी दिली आहे.
करमाळा शहरात यापूर्वी विविध धार्मिक कथांचे यशस्वी आणि भव्य आयोजन करण्यात आले असून त्यामध्ये ओतूरकर महाराजांची भागवत कथा, पंडित प्रदीप कुमार मिश्रा यांची शिव महापुराण कथा, रामराव ढोक महाराज यांची रामकथा तसेच भगवानजी शर्मा यांची 1999 मध्ये भागवत कथा व 2001 मध्ये रामकथा, आणि अनुराधा दीदी यांची 2024 मध्ये भागवत कथा यांचा समावेश आहे. या धार्मिक परंपरेला पुढे नेत अधिकमासाच्या पार्श्वभूमीवर तालुक्यातील भाविकांना शिव महापुराण कथेचा लाभ मिळावा आणि पुण्यसंचय व्हावा, या उद्देशाने या कार्यक्रमाचे आयोजन करण्यात आले आहे.
या संदर्भात सोमवार, दि. 5 एप्रिल रोजी संत गजानन महाराज मंदिर करमाळा येथे नियोजन बैठक पार पडली. या बैठकीस श्रेणिकशेठ खाटेर, विठ्ठलराव भणगे, कुरुलकर मॅडम, नगरसेवक दीपक चव्हाण रवींद्र विद्वत, चरणसिंग परदेशी, नारायण पवार, विजय देशपांडे, बबलू कुलकर्णी, पत्रकार दिनेश मडके, गिरीश शहा, दादासाहेब तनपुरे, प्रितम वीर शंकर रासकर, , राम टांगडे, सचिन सोरटे, सौ. संगीताताई खाटेर, हनुमान परदेशी, संदीप चुंग, आशिष बोरा, दिनेश मुथ्था, वैभव दोशी कांलिदी धोकेटे, कालीदास घोगरे, आडकर सर, विनोद कानडे, दिलीप शिरगिरे, मुळे सर, सुरेश आटोळे, देवकर काका उपस्थित होते.
बैठकीत शिव महापुराण कथा भव्य आणि दिव्य स्वरूपात करण्याचा संकल्प करण्यात आला. करमाळा तालुक्यातील सर्व भाविक भक्तांनी या धार्मिक सोहळ्यात उत्स्फूर्त सहभाग नोंदवावा, असे आवाहन भागवत कथा ज्ञानयज्ञ समिती व संत गजानन महाराज मंदिर समिती यांच्या वतीने करण्यात आले आहे.