करमाळ्यात काँग्रेस आयचे तालुकाध्यक्ष प्रतापराव नामदेवराव जगताप यांच्या वाढदिवसानिमित्त शहरातील महिलांसाठी 24 एप्रिलला निशुल्क देवदर्शन यात्रा

                                                                                  करमाळा प्रतिनिधी: देशभक्त कै. नामदेवरावजी जगताप   प्रतिष्ठानतर्फे मा. श्री. प्रतापराव नामदेवरावजी जगताप (तालुकाध्यक्ष, काँग्रेस आय कमिटी, करमाळा) यांच्या २४ एप्रिल रोजी साजऱ्या होणाऱ्या वाढदिवसानिमित्त महिलांसाठी विशेष निशुल्क देवदर्शन यात्रेचे आयोजन करण्यात आले आहे. सामाजिक बांधिलकी जपत राबविण्यात येणाऱ्या या उपक्रमाचे परिसरात स्वागत होत आहे.
ही यात्रा २४ एप्रिल २०२६ रोजी पहाटे ३ वाजता करमाळा येथील नामरत्न कॉम्प्लेक्स, मेन रोड येथून प्रस्थान करणार आहे. यात्रेचा मार्ग गाणगापूर – अक्कलकोट – तुळजापूर – यरमाळा असा असून पुन्हा करमाळा येथे परत येणार आहे.
यात्रा केवळ महिलांसाठी असून पूर्णतः निशुल्क आहे. श्रद्धा आणि अध्यात्म यांचा संगम साधत महिलांना सुरक्षित आणि सोयीस्कर पद्धतीने देवदर्शनाची संधी उपलब्ध करून देण्याचा प्रतिष्ठानचा उद्देश आहे.
देवदर्शन यात्रा संपन्न करण्यासाठी नितीन चोपडे गणेश फलफले , सुजय जगताप आणि प्रतिक जगताप यांच्यासह प्रतिष्ठानचे सर्व कार्यकर्ते परिश्रम घेत आहेत.
देशभक्त कै. नामदेवरावजी जगताप प्रतिष्ठानतर्फे प्रतिष्ठानतर्फे राबविण्यात येणाऱ्या या उपक्रमामुळे वाढदिवस साजरा करण्याची एक सामाजिक सेवाभावी परंपरा पुढे नेली जात असल्याची भावना नागरिकांत व्यक्त होत आहे.