करमाळा तालुका काँग्रेसचे तालुकाध्यक्ष मा. श्री. प्रतापराव नामदेवराव जगताप यांचा वाढदिवस (दि. 24 एप्रिल 2026) यंदा अनावश्यक खर्चाला फाटा देत विविध समाजोपयोगी उपक्रमांनी उत्साहात आणि आदर्श पद्धतीने साजरा करण्यात आला. कै. नामदेवरावजी जगताप प्रतिष्ठानच्या वतीने राबविण्यात आलेल्या या उपक्रमांमध्ये महिलांसाठी मोफत देवदर्शन यात्रा, एसटी सवलत कार्ड शिबिर तसेच अन्नदान अशा उपक्रमांचा समावेश होता.
या उपक्रमांची सुरुवात दि. 18 एप्रिल 2026 रोजी नामरत्न कॉम्प्लेक्स येथे आयोजित एसटी महामंडळाच्या सवलत कार्ड शिबिराने झाली. या शिबिरात शहरातील महिला व ज्येष्ठ नागरिकांनी मोठ्या संख्येने सहभाग घेतला. एकूण 190 लाभार्थ्यांनी या शिबिराचा लाभ घेतला, ज्यामुळे प्रवास सुलभ होण्यास मदत होणार आहे.
वाढदिवसानिमित्त मुख्य आकर्षण ठरलेल्या मोफत देवदर्शन यात्रेचे आयोजन दि. 24 एप्रिल रोजी करण्यात आले. पहाटे 2.30 वाजता एसटी महामंडळाच्या तीन सुसज्ज बसचे पूजन करून यात्रेला प्रारंभ झाला. करमाळा–गाणगापूर–अक्कलकोट–तुळजापूर–येरमाळा असा हा धार्मिक प्रवास पार पडला. यात्रेसाठी शहरातील 130 महिलांनी उत्स्फूर्त सहभाग नोंदवला.
अक्कलकोट येथे सर्व महिला भगिनींच्या उपस्थितीत प्रतापराव जगताप यांच्या शुभहस्ते श्री स्वामी समर्थ महाराजांची आरती करण्यात आली. या प्रसंगी धार्मिक वातावरणात भाविकांनी भक्तीभावाने सहभाग घेतला. कार्यक्रमाला श्रीमती रत्नप्रभा नामदेवरावजी यांचीही उपस्थिती होती.
यात्रेदरम्यान टेभूर्णी येथील वृद्धाश्रमात अन्नदान करण्यात आले. या उपक्रमामुळे सामाजिक बांधिलकी जपली गेली. तसेच दिवसभर प्रचंड उष्णता (सुमारे 43 अंश सेल्सिअस) लक्षात घेऊन आयोजकांनी प्रत्येक महिलेस टोपीचे वितरण केले. प्रत्येक बसमध्ये थंड पिण्याच्या पाण्याचे पाच जार उपलब्ध करून देण्यात आले होते. संपूर्ण यात्रेदरम्यान उत्कृष्ट नियोजन आणि सोयी-सुविधांमुळे महिलांनी समाधान व्यक्त केले; काहींच्या डोळ्यांत आनंदाश्रूही दिसून आले.
ही देवदर्शन यात्रा त्याच दिवशी रात्री 12.15 वाजता करमाळ्यात परतली. यावेळी सर्व महिलांच्या उपस्थितीत प्रतापराव जगताप यांचा वाढदिवसानिमित्त केक कापण्यात आला. अनेक महिलांनी आपल्या मनोगतातून आयोजकांचे आभार मानत अशा उपक्रमांचे कौतुक केले.
या यात्रेत करमाळा कृषी उत्पन्न बाजार समितीचे माजी उपसभापती मा. श्री. चिंतामणी (दादा) जगताप, करमाळा नगरपालिकेचे माजी बांधकाम समिती सभापती मा. श्री. राहुल भैय्या जगताप, तसेच पृथ्वीराज जगताप, विश्वराज जगताप आदी मान्यवर उपस्थित होते.
संपूर्ण वाढदिवस कार्यक्रम यशस्वीरित्या पार पाडण्यासाठी कै. नामदेवरावजी जगताप प्रतिष्ठानच्या पदाधिकाऱ्यांनी व कार्यकर्त्यांनी अथक परिश्रम घेतले. वाढदिवसाचे औचित्य साधत समाजोपयोगी उपक्रम राबविण्याचा हा आदर्श उपक्रम ठरला असून परिसरात त्याचे कौतुक होत आहे.
करमाळा, प्रतिनिधी : करमाळा येथील श्री संत नामदेव शिंपी समाजाच्या वतीने श्रीसंत नामदेव शिंपी महाराज…
करमाळा प्रतिनिधी : राष्ट्रवादी काँग्रेसचे करमाळा तालुकाध्यक्ष तथा पंचायत समिती सदस्य भरत (भाऊ) आवताडे यांच्या…
* करमाळा, प्रतिनिधी : करमाळा शहरातील शाहूनगर परिसरातील नागरिकांच्या दीर्घकाळ प्रलंबित असलेल्या पाणीप्रश्नाच्या निराकरणाच्या दिशेने…
करमाळा (प्रतिनिधी) – करमाळा येथील ग्रामदैवत श्रीजगदंबा कमलादेवी मंदिराच्या जतन व संवर्धनाच्या कामाला भाविकांचा उत्स्फूर्त…
करमाळा प्रतिनिधी : संजय गांधी निराधार योजनेची प्रकरणे मार्च महिन्यामध्ये मंजूर झाली होती त्यानंतर चार…
करमाळा प्रतिनिधी भाषा ही केवळ परीक्षेतील गुणांची बाब नसून विद्यार्थ्यांच्या विचारांना आकार देणारे आणि जगाशी…