Categories: Uncategorized

अनागोंदी कारभाराविरोधात संभाजी ब्रिगेड आक्रमक; माहिती न दिल्यास जिल्हा संघटक गणेश कुकडे यांचा उपोषणाचा इशारा

करमाळा प्रतिनिधी करमाळा तालुक्यातील विविध शासकीय विभागांमधील कथित अनागोंदी कारभाराविरोधात संभाजी ब्रिगेडने आक्रमक भूमिका घेत आंदोलनाचा इशारा दिला आहे. संबंधित विभागांकडून पारदर्शक माहिती तात्काळ न दिल्यास उपोषणाचा मार्ग अवलंबण्यात येईल, असा इशारा संघटनेचे जिल्हा संघटक गणेश कुकडे यांनी दिला आहे.
संभाजी ब्रिगेडच्या वतीने तहसील कार्यालय, उपाधीक्षक भूमी अभिलेख, जिल्हा परिषद बांधकाम विभाग, तसेच सार्वजनिक बांधकाम विभाग यांच्याकडे विविध कामांबाबत माहिती मागवण्यात आली आहे. या विभागांमध्ये मोठ्या प्रमाणावर चुकीच्या पद्धतीने कामे होत असल्याचा आरोप संघटनेने केला असून, त्यामुळे सामान्य नागरिकांना अनेक अडचणींना सामोरे जावे लागत असल्याचे निवेदनात नमूद करण्यात आले आहे.
पुरवठा विभागाकडील रेशनकार्ड माहिती, गोडाऊन कंत्राटे, धान्य पुरवठा यासंदर्भातील तपशील, भूमी अभिलेख कार्यालयाकडील मोजणी प्रक्रिया, प्रॉपर्टी कार्ड संदर्भातील कामकाज, जिल्हा परिषदेमार्फत करण्यात येणाऱ्या विंधन विहिरी, रस्ते काँक्रीटीकरण आणि शेततळे यासंबंधीच्या तक्रारींची माहिती मागवण्यात आली आहे. तसेच सार्वजनिक बांधकाम विभागाकडून तालुक्यात करण्यात आलेल्या डांबरी व काँक्रीट रस्त्यांची गुणवत्ता, तसेच सरकारी झाडे रंगवण्याच्या निविदांबाबतही सविस्तर माहितीची मागणी करण्यात आली आहे.
संभाजी ब्रिगेडने स्पष्ट केले आहे की, या सर्व कामांमध्ये पारदर्शकता नसल्यामुळे नागरिकांमध्ये नाराजी वाढत आहे. त्यामुळे संबंधित विभागांनी तातडीने माहिती उपलब्ध करून द्यावी, अन्यथा व्यापक आंदोलन छेडले जाईल.
दरम्यान, मागितलेली माहिती वेळेत न दिल्यास उपोषणासारखे तीव्र आंदोलन करण्याचा इशारा देत संघटनेने प्रशासनाला इशारा दिला आहे. या भूमिकेमुळे करमाळा तालुक्यातील प्रशासकीय यंत्रणेत खळबळ उडाली आहे.

saptahikpawanputra

Share
Published by
saptahikpawanputra

Recent Posts

करमाळा तालुका प्राथमिक शिक्षक सहकारी पतसंस्थेच्या चेअरमनपदी तात्यासाहेब जाधव यांची बिनविरोध निवड व्हा. चेअरमनपदी निशांत खारगे, तर सचिवपदी अजित कणसे यांची निवड

  करमाळा  प्रतिनिधी करमाळा तालुका प्राथमिक शिक्षक सहकारी पतसंस्थेच्या चेअरमनपदी श्री. तात्यासाहेब जाधव यांची, तर…

7 hours ago

सोलापूर जिल्हा मध्यवर्ती सहकारी बँकेच्या निवडणुकीच्या पार्श्वभूमीवर करमाळा येथील श्री कमलाभवानी देवीच्या मंदिरात दर्शन घेऊन स्वाभिमानी शेतकरी सहकार पॅनलच्या प्रचाराचा शुभारंभ

करमाळा (प्रतिनिधी): सोलापूर जिल्हा मध्यवर्ती सहकारी बँकेच्या निवडणुकीच्या पार्श्वभूमीवर करमाळा येथील श्री कमलाभवानी देवीच्या मंदिरात…

17 hours ago

चार हजार ऊसदरासाठी शेतकऱ्यांचा महामार्गावर एल्गार राजाभाऊ कदम यांच्या नेतृत्वाखाली कुंभेज फाट्यावर रास्ता रोको; नऊ मागण्यांसाठी शासनाला इशारा

करमाळा  प्रतिनिधी उसाला प्रतिटन चार हजार रुपये दर मिळावा, यासह शेतकरी व सर्वसामान्य नागरिकांच्या नऊ…

1 day ago

सिव्हिल इंजिनिअर शैलेश खडके यांना मातृ शोक श्रीमती अंजली मधुकर खडके यांचे दुःखद निधन

करमाळा  प्रतिनिधी करमाळा येथील शिवाजीनगरमधील रहिवासी तथा सिव्हिल इंजिनिअर प्रसिद्ध क्राॅन्ट्रक्टर श्री. शैलेश मधुकर खडके…

2 days ago

ग्लोबल डिफेन्स अकॅडमीचा उद्घाटन सोहळा उत्साहात संपन्न!

  करमाळा प्रतिनिधी  ग्रामीण भागातील विद्यार्थ्यांना पोलीस, सैन्यदल, एनडीए व अग्निवीर यांसारख्या संरक्षण आणि शासकीय…

3 days ago