Categories: Uncategorized

आपसात आरोप प्रत्यारोप करण्यापेक्षा आदिनाथ सहकारी साखर कारखाना सुरू करण्यासाठी ठोस आराखडा जाहीर करा – माजी सरपंच श्रीमंत औदुंबरराजे भोसले

करमाळा : प्रतिनिधी
“आदिनाथ सहकारी साखर कारखान्याबाबत आरोप-प्रत्यारोप आणि चिखलफेक ऐकण्यात सभासदांना कोणताही रस राहिलेला नाही. कारखाना पुन्हा सुरू होऊन त्याच्या भोंग्याचा आवाज ऐकण्याचीच सभासदांची आणि तालुक्यातील नागरिकांची तीव्र इच्छा आहे,” असे मत हिंदवी स्वराज्य ग्रुपचे संस्थापक तथा नेरले ग्रामपंचायतीचे माजी सरपंच श्रीमंत-औदुंबरराजे भोसले यांनी व्यक्त केले.
आदिनाथ सहकारी साखर कारखाना हा ऊस क्षेत्राच्या जवळ असलेला महाराष्ट्रातील एकमेव कारखाना असल्याचे सांगत भोसले यांनी कारखान्याच्या स्थापनेपासूनच्या वाटचालीचा आढावा घेतला. उजनी जलाशयामुळे परिसरात पाण्याची कमतरता नसतानाही कारखान्याची सद्यस्थिती चिंताजनक असल्याचे त्यांनी नमूद केले.
स्वर्गीय शंकरराव मोहिते-पाटील यांनी तत्कालीन नेते मंडळींच्या सहकार्याने या कारखान्याची उभारणी केली. त्यानंतर काही काळ कारखाना संथ गतीने सुरू होता. स्वर्गीय दिगंबरराव बागलमामा आमदार झाल्यानंतर कारखान्याचा विस्तार, प्रशासकीय सुधारणा आणि नियोजनबद्ध कारभारामुळे कारखान्याने प्रगतीची नवी उंची गाठली. उत्कृष्ट इमारत, सक्षम व्यवस्थापन आणि सभासदांचा विश्वास यामुळे कारखान्याला महाराष्ट्र शासनाचा प्रथम क्रमांकही प्राप्त झाला होता.
मात्र, आज हा कारखाना अस्तित्वाच्या शेवटच्या टप्प्यावर पोहोचल्याचे चित्र दिसत आहे. कारखाना बंद असल्याने अनेक कामगार कुटुंबांवर आर्थिक संकट ओढवले असून शेतकरी सभासदही दिशाहीन झाले आहेत. एकेकाळी प्रत्येक नागरिकाला आपला वाटणारा कारखाना आज बंद अवस्थेत असल्याने तालुक्याच्या प्रगतीला खीळ बसली आहे.
ऊस गाळपासाठी शेतकऱ्यांना विविध कारखान्यांच्या दारात जावे लागत असून, “कोणत्या गाडीत बसावे?” अशी अवस्था सभासदांची झाली असल्याचे भोसले यांनी सांगितले. सत्ताधारी मंडळाने निवडणुकीच्या वेळी कारखाना सुरू करण्याची आश्वासने दिली होती. मात्र, प्रत्यक्षात कारखाना सुरू करण्यासाठी कोणताही ठोस आराखडा नागरिकांसमोर मांडला गेला नसल्याची खंत त्यांनी व्यक्त केली.
करमाळा तालुक्यात जातेगाव-टेंभुर्णी रस्त्यासह अनेक रस्त्यांचे प्रश्न, तहसील आणि न्यायालयाकडे जाणाऱ्या मार्गांची दुरवस्था, पिण्याचे पाणी, शेतीसाठी पाणी, दुष्काळी परिस्थिती आणि प्रशासनातील भ्रष्टाचार यांसारखे अनेक प्रश्न गंभीर बनले आहेत. अशा वेळी विकासाचा आराखडा मांडण्याऐवजी कारखान्याबाबत केवळ आरोप-प्रत्यारोप सुरू असल्याचे त्यांनी नमूद केले.
मागील काळात कारखान्याच्या विविध प्रश्नांवर आंदोलने झाली होती. आता कारखाना सुरू करण्यासाठी व्यापक जनआंदोलन उभे राहण्याची गरज असल्याचे मतही भोसले यांनी व्यक्त केले.
“आदिनाथ साखर कारखाना सुरू राहणे हे तालुक्याच्या आर्थिक आणि सामाजिक प्रगतीसाठी अत्यंत आवश्यक आहे. कारखाना सुरू झाल्यासच शेतकरी, कामगार आणि सर्वसामान्य नागरिकांच्या अपेक्षांना न्याय मिळेल,” असेही त्यांनी स्पष्ट केले.

saptahikpawanputra

Share
Published by
saptahikpawanputra

Recent Posts

करमाळा तालुका प्राथमिक शिक्षक सहकारी पतसंस्थेच्या चेअरमनपदी तात्यासाहेब जाधव यांची बिनविरोध निवड व्हा. चेअरमनपदी निशांत खारगे, तर सचिवपदी अजित कणसे यांची निवड

  करमाळा  प्रतिनिधी करमाळा तालुका प्राथमिक शिक्षक सहकारी पतसंस्थेच्या चेअरमनपदी श्री. तात्यासाहेब जाधव यांची, तर…

9 hours ago

सोलापूर जिल्हा मध्यवर्ती सहकारी बँकेच्या निवडणुकीच्या पार्श्वभूमीवर करमाळा येथील श्री कमलाभवानी देवीच्या मंदिरात दर्शन घेऊन स्वाभिमानी शेतकरी सहकार पॅनलच्या प्रचाराचा शुभारंभ

करमाळा (प्रतिनिधी): सोलापूर जिल्हा मध्यवर्ती सहकारी बँकेच्या निवडणुकीच्या पार्श्वभूमीवर करमाळा येथील श्री कमलाभवानी देवीच्या मंदिरात…

19 hours ago

चार हजार ऊसदरासाठी शेतकऱ्यांचा महामार्गावर एल्गार राजाभाऊ कदम यांच्या नेतृत्वाखाली कुंभेज फाट्यावर रास्ता रोको; नऊ मागण्यांसाठी शासनाला इशारा

करमाळा  प्रतिनिधी उसाला प्रतिटन चार हजार रुपये दर मिळावा, यासह शेतकरी व सर्वसामान्य नागरिकांच्या नऊ…

1 day ago

सिव्हिल इंजिनिअर शैलेश खडके यांना मातृ शोक श्रीमती अंजली मधुकर खडके यांचे दुःखद निधन

करमाळा  प्रतिनिधी करमाळा येथील शिवाजीनगरमधील रहिवासी तथा सिव्हिल इंजिनिअर प्रसिद्ध क्राॅन्ट्रक्टर श्री. शैलेश मधुकर खडके…

2 days ago

ग्लोबल डिफेन्स अकॅडमीचा उद्घाटन सोहळा उत्साहात संपन्न!

  करमाळा प्रतिनिधी  ग्रामीण भागातील विद्यार्थ्यांना पोलीस, सैन्यदल, एनडीए व अग्निवीर यांसारख्या संरक्षण आणि शासकीय…

3 days ago