हिंदू-मुस्लिम भाईचारा अबाधित ठेवण्यासाठी सामाजिक उपक्रम -सचिन काळे शाहू जयंती व मोहरमनिमित्त करमाळ्यात फळवाटप, सरबत वितरण मान्यवरांचा सत्कार

“
करमाळा प्रतिनिधी
छत्रपती राजर्षी शाहू महाराज जयंती आणि मोहरम सणाचे औचित्य साधून हिंदू-मुस्लिम ऐक्याचा संदेश देण्यासाठी करमाळा तालुका मराठा सेवा संघ, संभाजी ब्रिगेड, शिवजयंती उत्सव समिती तसेच बहुजन विचार संघटना यांच्या संयुक्त विद्यमाने विविध सामाजिक उपक्रमांचे आयोजन करण्यात आले आहे. ही माहिती मराठा सेवा संघाचे तालुकाध्यक्ष सचिन काळे यांनी पत्रकार परिषदेत दिली.
दि. २६ जून रोजी करमाळा येथील उपजिल्हा रुग्णालयात सकाळी ९ वाजता रुग्णांना फळवाटप करण्यात येणार असून, दुपारी २ वाजता शहीद हजरत इमाम हसन व हुसैन यांच्या स्मरणार्थ अल्पोपहार व सरबत वितरणाचा कार्यक्रम होणार आहे.
यावेळी विविध क्षेत्रांत कार्यरत पदाधिकाऱ्यांचा सत्कार करण्यात येणार असून तहसीलदार शिल्पा ठोकडे, डीवायएसपी अंजना कृष्णा, पोलीस निरीक्षक रणजीत माने, गटविकास अधिकारी डॉ. अमित कदम, मुख्याधिकारी डॉ. सचिन तपसे, कृषी अधिकारी देवराव चव्हाण यांच्यासह अनेक मान्यवर उपस्थित राहणार आहेत.
समाजात बंधुभाव, एकोपा आणि सलोखा टिकून राहावा, या उद्देशाने हा उपक्रम आयोजित करण्यात आल्याचे सांगून शहरातील सर्व समाजबांधवांनी या कार्यक्रमात सहभागी व्हावे, असे आवाहन सचिन काळे यांनी केले आहे.