करमाळा तालुक्यात राबविण्यात येत असलेल्या Special Intensive Revision (SIR) अभियानामुळे प्राथमिक शाळांतील विद्यार्थ्यांच्या शिक्षणावर परिणाम होण्याची शक्यता व्यक्त करत करमाळा तालुका प्राथमिक शिक्षक समन्वय समितीने तहसीलदारांकडे सविस्तर निवेदन सादर केले आहे. SIR कामासाठी नियुक्त शिक्षकांच्या अनुपस्थितीत विद्यार्थ्यांचे शैक्षणिक नुकसान होऊ नये म्हणून पर्यायी शिक्षकांची तातडीने नियुक्ती करण्याची प्रमुख मागणी या निवेदनाद्वारे करण्यात आली आहे.
समितीने दिलेल्या निवेदनानुसार, दि. ३० जून ते दि. ७ ऑक्टोबर २०२६ या कालावधीत SIR अभियान सुरू राहणार आहे. या काळात अनेक प्राथमिक शिक्षकांची Booth Level Officer (BLO) म्हणून नियुक्ती झाल्याने ते नियमित अध्यापनापासून दूर राहतील. त्यामुळे इयत्ता पहिली ते आठवीच्या विद्यार्थ्यांच्या शिक्षणात अडथळा निर्माण होण्याची भीती व्यक्त करण्यात आली आहे.
विद्यार्थ्यांचे हित लक्षात घेऊन BLO म्हणून नियुक्त शिक्षकांना SIR कामासाठी कार्यमुक्त करावे; मात्र त्यांच्या जागी पर्यायी शिक्षकांची त्वरित नियुक्ती करून अध्यापन सुरळीत ठेवावे, अशी समितीची मागणी आहे. तसेच SIR चे काम वेळेत व प्रभावीपणे पूर्ण करण्यासाठी प्रत्येक BLO सोबत सहायक BLO नियुक्त करावा आणि त्यांनाही BLO प्रमाणेच योग्य मानधन द्यावे, अशी मागणीही करण्यात आली आहे.
निवेदनात शिक्षकांनी स्पष्ट केले की, निवडणूकविषयक कामे महत्त्वाची असली तरी विद्यार्थ्यांच्या शिक्षणाशी तडजोड होता कामा नये. योग्य नियोजन, अतिरिक्त मनुष्यबळ आणि पर्यायी शिक्षकांची व्यवस्था उपलब्ध झाल्यास शैक्षणिक कामकाज आणि SIR अभियान ही दोन्ही कामे सुरळीतपणे पार पडू शकतात.या निवेदनावर चंद्रहास चोरमले, तात्यासाहेब जाधव, दत्तात्रय जाधव, उमराव वीर, बाळू दुधे, अजित कणसे, संतोष माने, अर्जुन ढेरे, किरण सानप, अशोक दुधे, सुनील जाधव आदी शिक्षकांच्या स्वाक्षऱ्या असून, यावेळी शिक्षक संजय चोपडे उपस्थित होते.
विद्यार्थ्यांचे शैक्षणिक नुकसान टाळण्यासाठी प्रशासनाने तातडीने सकारात्मक निर्णय घेऊन पर्यायी शिक्षक व सहायक BLO नियुक्तीची अंमलबजावणी करावी, अशी अपेक्षा शिक्षक समन्वय समितीने व्यक्त केली आहे.
करमाळा प्रतिनिधी करमाळा तालुका प्राथमिक शिक्षक सहकारी पतसंस्थेच्या चेअरमनपदी श्री. तात्यासाहेब जाधव यांची, तर…
करमाळा (प्रतिनिधी): सोलापूर जिल्हा मध्यवर्ती सहकारी बँकेच्या निवडणुकीच्या पार्श्वभूमीवर करमाळा येथील श्री कमलाभवानी देवीच्या मंदिरात…
करमाळा प्रतिनिधी सहकार, विश्वास आणि ग्राहकाभिमुख सेवेच्या बळावर आर्थिक प्रगतीचा नवा अध्याय सुरू करण्याच्या दिशेने…
करमाळा प्रतिनिधी उसाला प्रतिटन चार हजार रुपये दर मिळावा, यासह शेतकरी व सर्वसामान्य नागरिकांच्या नऊ…
करमाळा प्रतिनिधी करमाळा येथील शिवाजीनगरमधील रहिवासी तथा सिव्हिल इंजिनिअर प्रसिद्ध क्राॅन्ट्रक्टर श्री. शैलेश मधुकर खडके…
करमाळा प्रतिनिधी ग्रामीण भागातील विद्यार्थ्यांना पोलीस, सैन्यदल, एनडीए व अग्निवीर यांसारख्या संरक्षण आणि शासकीय…