ग्रामीण भागातील शेतीसाठी सायंकाळी ६ ते रात्री १० या वेळेत वीजपुरवठा बंद असल्याने विद्यार्थ्यांच्या शिक्षणावर आणि शेतकऱ्यांच्या दैनंदिन जीवनावर गंभीर परिणाम होत असल्याचा मुद्दा उपस्थित करत, रात्रीचा शेती वीजपुरवठा तातडीने सुरू करण्याची मागणी नेरलेचे माजी सरपंच तथा हिंदवी स्वराज्य ग्रुपचे संस्थापक श्रीमंत औदुंबर राजेभोसले यांनी केली आहे. याबाबत त्यांनी महावितरणच्या करमाळा कार्यालयातील अभियंत्यांना लेखी निवेदन सादर केले.
निवेदनात त्यांनी म्हटले आहे की, ग्रामीण भागातील बहुतांश नागरिक शेतात वास्तव्यास असून सायंकाळी ६ ते १० ही विद्यार्थ्यांच्या अभ्यासाची महत्त्वाची वेळ असते. मात्र, याच वेळेत वीज बंद असल्याने विद्यार्थ्यांचा अभ्यास खोळंबत असून त्यांच्या शैक्षणिक गुणवत्तेवर विपरीत परिणाम होत आहे.
वीजपुरवठा खंडित असल्याने शेतकऱ्यांना जनावरांची देखभाल, शेतीची कामे आणि इतर दैनंदिन कामे अंधारात करावी लागत आहेत. त्यामुळे सर्प व इतर वन्य प्राण्यांचा धोका वाढत असून सुरक्षिततेचाही प्रश्न निर्माण झाला आहे. रात्री १० नंतर वीज सुरू होत असली तरी त्याचा विद्यार्थी आणि शेतकऱ्यांना अपेक्षित लाभ होत नसल्याचे राजेभोसले यांनी नमूद केले.
रात्रीचा वीजपुरवठा पूर्ववत करण्यासाठी ग्रामपंचायती, लोकप्रतिनिधी आणि सामाजिक संघटनांनी महावितरणकडे ठराव व निवेदने सादर करून सामूहिक पाठपुरावा करावा, असे आवाहन त्यांनी केले. विद्यार्थ्यांचे भविष्य आणि शेतकऱ्यांचे हित लक्षात घेऊन महावितरणने हा निर्णय तातडीने बदलावा, अशी मागणीही त्यांनी केली आहे.
करमाळा प्रतिनिधी करमाळा तालुक्यातील शेतकऱ्यांना एकत्र आणून आधुनिक शेती, कृषी निर्यात आणि मूल्यवर्धनाच्या माध्यमातून ग्रामीण…
करमाळा प्रतिनिधी करमाळा तालुक्यात राबविण्यात येत असलेल्या Special Intensive Revision (SIR) अभियानामुळे प्राथमिक शाळांतील विद्यार्थ्यांच्या…
करमाळा प्रतिनिधी करमाळा शहरातील श्री स्वामी समर्थ भक्तांसाठी अत्यंत श्रद्धेचा आणि भक्तिमय वातावरणात साजरा होणारा…
* करमाळा प्रतिनिधी करमाळा तालुका मित्रपरिवार मंडळ, पुणे व पिंपरी चिंचवड यांची त्रैमासिक संवाद बैठक…
करमाळा प्रतिनिधी मांगी तलावातील पाणी अहिल्यानगर जिल्ह्यातील कृषी महाविद्यालयासाठी वळविण्याच्या प्रस्तावावर अंतिम निर्णय घेण्यापूर्वी सर्व…
करमाळा प्रतिनिधी करमाळा शहरातील प्रभाग क्रमांक ३ मध्ये पिण्याच्या पाण्याची तीव्र टंचाई लक्षात घेऊन नगरसेविका…