पवार जनरल हॉस्पिटलच्या विशेष आरोग्य शिबिराला उत्स्फूर्त प्रतिसाद; ३४० हून अधिक रुग्णांची तपासणी ऑर्थोपेडिक दंत तज्ज्ञ डॉक्टरांसह संपूर्ण टीमच्या सेवाभावाचे कौतुक

करमाळा प्रतिनिधी
पवार जनरल हॉस्पिटल यांच्या वतीने आयोजित करण्यात आलेले विशेष आरोग्य शिबिर नागरिकांच्या उत्स्फूर्त प्रतिसादामुळे अत्यंत यशस्वी ठरले. आरोग्यसेवा ही समाजसेवेचा महत्त्वाचा भाग असून सर्वसामान्य नागरिकांना आवश्यक वैद्यकीय तपासणी व तज्ज्ञ डॉक्टरांचे मार्गदर्शन सहज उपलब्ध व्हावे, या उद्देशाने आयोजित करण्यात आलेल्या या शिबिरात मोठ्या संख्येने नागरिकांनी सहभाग नोंदविला. शिबिरात ऑर्थोपेडिक तपासणीसाठी तब्बल २५० रुग्ण, दंत तपासणीसाठी ४५ रुग्ण, तर डॉक्टरांकडून स्वतंत्रपणे सुमारे ४५ ते ५० रुग्णांची तपासणी करण्यात आली. त्यामुळे शिबिराच्या माध्यमातून शेकडो नागरिकांना आरोग्य तपासणी व वैद्यकीय मार्गदर्शनाचा लाभ मिळाला.
या शिबिरामध्ये विशेषतः हाडे व सांधे, दात आणि इतर विविध आरोग्यविषयक समस्यांबाबत रुग्णांची तपासणी करण्यात आली. तज्ज्ञ डॉक्टरांनी रुग्णांच्या तक्रारी जाणून घेत त्यांची प्रत्यक्ष तपासणी करून आवश्यक वैद्यकीय सल्ला दिला. अनेक नागरिकांना आपल्या आरोग्याशी संबंधित समस्यांबाबत योग्य मार्गदर्शन मिळाल्याने हे शिबिर त्यांच्या दृष्टीने उपयुक्त ठरले. नागरिकांनीही शिबिराच्या आयोजनाबद्दल समाधान व्यक्त केले.
या आरोग्य शिबिराला करमाळा तालुका मेडिकल प्रॅक्टिशनर्स असोसिएशनचे अध्यक्ष डॉ. लोकरे नागनाथ यांचे मार्गदर्शन लाभले. तसेच डॉ. अविनाश घोलप, डॉ. अनुप खोसे, डॉ. रोहन पाटील, डॉ. प्रमोद शिंदे आणि डॉ. पोपट नेटके यांनीही शिबिराच्या माध्यमातून रुग्णांना वैद्यकीय सेवा व मार्गदर्शन केले. तज्ज्ञ डॉक्टरांची उपस्थिती आणि त्यांच्याकडून मिळालेले मार्गदर्शन हे शिबिराचे प्रमुख वैशिष्ट्य ठरले.
शिबिर यशस्वी आणि संस्मरणीय करण्यासाठी डॉ. विश्वजीत यांनी घेतलेल्या अथक परिश्रमाबद्दल त्यांचे विशेष आभार व्यक्त करण्यात आले. तसेच डॉ. अविनाश सर आणि डॉ. श्वेता मॅडम यांनी शिबिराच्या यशासाठी दिलेल्या योगदानाचे, समर्पणाचे आणि उत्कृष्ट कार्याचे विशेष कौतुक करण्यात आले. त्यांच्या सहकार्यामुळे शिबिरातील वैद्यकीय सेवा अधिक प्रभावीपणे राबविता आली.
शिबिराच्या यशामागे केवळ डॉक्टरांचे वैद्यकीय ज्ञान नव्हे, तर संपूर्ण टीमने केलेले नियोजन आणि टीमवर्कही तितकेच महत्त्वाचे ठरले. अक्षय, राजश्री, रेश्मा, ऋतुजा, सुभेदार, विठ्ठल, आदित्य गायकवाड, प्रणिती, अमन, सार्थक, राहुल, योगेश, पूनम आणि साजिद यांच्यासह इतर सर्व सहकाऱ्यांनी शिबिरातील विविध जबाबदाऱ्या अत्यंत चोखपणे पार पाडल्या. रुग्णांची नोंदणी, तपासणीसाठी व्यवस्था, रुग्णांना मार्गदर्शन, गर्दीचे नियोजन आणि इतर आवश्यक कामांमध्ये टीमने उल्लेखनीय योगदान दिले.
याशिवाय वैभव काका, डॉ. पोल आणि आकाश यांच्या विशेष योगदानाचेही कौतुक करण्यात आले. त्यांच्या अथक मेहनतीमुळे आणि उत्स्फूर्त सहभागामुळे शिबिराचे नियोजन अधिक परिणामकारक झाले. प्रत्येकाने आपापली जबाबदारी मनापासून पार पाडल्यामुळे शिबिर सुरळीतपणे पार पडले.
पवार जनरल हॉस्पिटलच्या या उपक्रमातून आरोग्यसेवा ही केवळ आजारावर उपचार करण्यापुरती मर्यादित नसून नागरिकांमध्ये आरोग्याविषयी जागरूकता निर्माण करणे, आजारांचे वेळीच निदान करणे आणि योग्य वैद्यकीय मार्गदर्शन उपलब्ध करून देणे हीदेखील तितकीच महत्त्वाची बाब असल्याचा संदेश मिळाला. विशेषतः मोठ्या संख्येने नागरिकांनी तपासणी करून घेतल्याने या उपक्रमाचे सामाजिक महत्त्व अधोरेखित झाले.
या शिबिराचे यश हे पवार जनरल हॉस्पिटचे संचालक डॉ रविकिरण पवार सर्व डॉक्टर वैद्यकीय कर्मचारी, सहकारी आणि संपूर्ण टीमच्या एकजुटीचा, सेवाभावाचा आणि समर्पणाचा परिणाम असल्याची भावना व्यक्त करण्यात आली. एकमेकांच्या सहकार्याने आणि नियोजनबद्ध पद्धतीने काम केल्यास समाजोपयोगी उपक्रम किती प्रभावीपणे राबविता येतात, याचे उदाहरण या शिबिराने घालून दिले आहे.
नागरिकांना आरोग्यसेवा उपलब्ध करून देतानाच समाजाप्रती असलेली आपली जबाबदारी जपण्याचा प्रयत्न पवार जनरल हॉस्पिटलच्या माध्यमातून करण्यात आला. शिबिराला मिळालेला उत्स्फूर्त प्रतिसाद हा या सेवाभावी उपक्रमाच्या यशाची पावती ठरला. या यशामुळे पवार जनरल हॉस्पिटलच्या शिरपेचात आणखी एक मानाचा तुरा खोवला गेला असून, भविष्यातही अशाच प्रकारचे आरोग्यविषयक आणि समाजोपयोगी उपक्रम सातत्याने राबविले जातील, अशी अपेक्षा व्यक्त होत आहे.
डॉक्टरांचे मार्गदर्शन, कर्मचाऱ्यांचे नियोजन आणि संपूर्ण टीमचा सेवाभाव यांच्या त्रिसूत्रीमुळे पवार जनरल हॉस्पिटलचे हे विशेष आरोग्य शिबिर संस्मरणीय ठरले आहे.