नीट परीक्षेत उत्तुंग यश शशांक कांबळेची एम्स राजकोट येथे एमबीबीएससाठी निवड

करमाळा प्रतिनिधी

वैद्यकीय प्रवेशासाठी घेण्यात आलेल्या ‘नीट यूजी २०२६’ (NEET UG 2026) या राष्ट्रीय स्तरावरील प्रवेश परीक्षेत करमाळा येथील शशांक प्रमोद कांबळे याने घवघवीत यश संपादन केले आहे. नीटच्या पहिल्या समुपदेशन फेरीत (Round 1) त्याची देशातील प्रतिष्ठित एम्स राजकोट (AIIMS Rajkot) येथे एमबीबीएस (MBBS) पदवी अभ्यासक्रमासाठी निवड झाली आहे.शशांकने राष्ट्रीय पातळीवर १६,११६ ऑल इंडिया रँक (AIR) मिळवत हे उल्लेखनीय यश संपादन केले. तो प्रथितयश डॉ. प्रमोद कांबळे आणि डॉ. कविता कांबळे यांचा सुपुत्र आहे. वैद्यकीय समुपदेशन समितीने (MCC) २३ ऑगस्ट रोजी जाहीर केलेल्या पहिल्या फेरीच्या तात्पुरत्या गुणवत्ता यादीनुसार (Provisional Allotment) शशांकला एम्स राजकोट येथे एमबीबीएसची जागा निश्चित झाली आहे.विशेष म्हणजे, शशांकची राज्यातील प्रतिष्ठित केईएम (KEM), मुंबई तसेच एएफएमसी (AFMC) येथेही निवड झाली आहे. त्यामुळे त्याच्या या यशाबद्दल कुटुंबीय, मित्रपरिवार, शिक्षक तसेच करमाळा परिसरातून त्याच्यावर अभिनंदनाचा वर्षाव होत आहे.अत्यंत प्रतिष्ठित वैद्यकीय संस्थेत शिक्षण घेण्याची संधी मिळाल्याने शशांकच्या शैक्षणिक कारकिर्दीला नवी दिशा मिळाली आहे. त्याच्या या यशाबद्दल सर्व स्तरांतून कौतुक होत असून, भविष्यात एक उत्तम डॉक्टर म्हणून देशसेवा करण्यासाठी त्याला शुभेच्छा दिल्या जात आहेत.सुर ताल संगीत विद्यालयाचे प्राचार्य श्री. बाळासाहेब नरारे यांनी शशांक कांबळे याचे अभिनंदन करून त्याला पुढील शैक्षणिक वाटचालीसाठी मनःपूर्वक शुभेच्छा दिल्या आहेत.