Categories: Uncategorized

ग्रामीण भारताच्या सक्षमीकरणासाठी डाक विभागाने जनतेपर्यंत पोहोचावे – मुन्ना कुमार यशकल्याणी सेवाभवनात डाक महामेळावा; ५० मुलींच्या ‘सुकन्या समृद्धी’ खात्यांना यशकल्याणीचा पुढाकार…

*

करमाळा प्रतिनिधी “भारतीय डाक विभागाच्या विविध बचत, विमा आणि आर्थिक सुरक्षा योजना ग्रामीण भागातील प्रत्येक कुटुंबापर्यंत प्रभावीपणे पोहोचल्या पाहिजेत. भारत सरकारच्या आर्थिक समावेशनाच्या उद्दिष्टपूर्तीत डाक कर्मचाऱ्यांची भूमिका अत्यंत महत्त्वाची आहे,” असे प्रतिपादन पंढरपूर विभागाचे डाक अधीक्षक श्री. मुन्ना कुमार यांनी केले.यशकल्याणी सेवाभवन येथे भारतीय डाक विभागाच्या महामेळाव्यात ते बोलत होते. यावेळी यशकल्याणी संस्थेचे अध्यक्ष डॉ.गणेश करे-पाटील उपस्थित होते.
डॉ.करे-पाटील म्हणाले, “भारतीय डाक विभागाने काळानुरूप आपले स्वरूप बदलत सर्वसामान्यांच्या विश्वासाचे केंद्र म्हणून स्थान टिकवले आहे. ग्रामीण भागातील छोट्या बचतीला आर्थिक सुरक्षिततेत रूपांतरित करण्याचे महत्त्वपूर्ण कार्य डाक विभाग करत आहे. सुकन्या समृद्धी, टपाल जीवन विमा आणि विविध बचत योजनांचा नागरिकांनी अधिकाधिक लाभ घ्यावा.”
यावेळी यशकल्याणी ग्रामीण सेवाभावी संस्थेच्या माध्यमातून ५० मुलींची सुकन्या समृद्धी खाती उघडून त्यांच्या सुरक्षित भविष्याच्या दिशेने महत्त्वपूर्ण पाऊल उचलण्यात आले. ‘माय स्टॅम्प’च्या माध्यमातून सामाजिक कार्यकर्त्यांचा गौरव करण्याच्या उपक्रमाचेही डॉ. करे-पाटील यांनी कौतुक केले.
कार्यक्रमास डाक निरीक्षक लक्ष्मण शेवाळे, सब पोस्टमास्तर उदय बंडगर, जीवन शिक्षण फाउंडेशनचे जयेश पवार तसेच करमाळा, जेऊर व केतूर येथील डाक कर्मचारी व नागरिक बहुसंख्येने उपस्थित होते. या कार्यक्रमाचे सूत्रसंचालन श्री.रमेश शेलार यांनी केले.

saptahikpawanputra

Recent Posts

दहिगाव उपसा सिंचन योजनेच्या आवर्तनासाठी संजयमामा शिंदे ॲक्शन मोडवर! पालकमंत्री जयकुमार गोरे यांची भेट घेऊन आवर्तन एक महिना अगोदर सुरू करण्याची मागणी

  करमाळा प्रतिनिधी : दहिगाव उपसा सिंचन योजनेच्या आवर्तनाचा प्रश्न मार्गी लावण्यासाठी माजी आमदार संजयमामा…

3 days ago

करमाळा शहरातील दिव्यरत्न सिटी येथे चॅम्पियन क्लब हाऊसच्या वतीने आयोजित क्रिकेट स्पर्धेचे सचिन (मालक) गायकवाड यांच्या हस्ते दिमाखात उद्घघाटन

करमाळा (प्रतिनिधी) : करमाळा शहरातील दिव्यरत्न सिटी येथे चॅम्पियन क्लब हाऊसच्या वतीने आयोजित करण्यात आलेल्या…

5 days ago

ऊसदर आणि अतिवृष्टी अनुदानासाठी १३ नोव्हेंबर रोजी करमाळ्यात शेतकऱ्यांची बैठक; आंदोलनाची दिशा ठरणार – राजाभाऊ कदम

करमाळा प्रतिनिधी करमाळा तालुक्यातील शेतकऱ्यांच्या प्रलंबित प्रश्नांना न्याय मिळवून देण्यासाठी शुक्रवार, दि. १३ नोव्हेंबर २०२६…

7 days ago

दुष्काळात मुक्या जीवांसाठी कै बाबुराव (तात्या) गायकवाड प्रतिष्ठानचा माणुसकीचा झरा सात वर्षांपासून वन्यजीवांसाठी चारा-पाण्याची अखंड सेवा

करमाळा प्रतिनिधी दुष्काळाच्या झळा केवळ माणसांनाच सोसाव्या लागत नाहीत, तर जंगलातील मुके वन्यजीवही पाण्याच्या थेंबासाठी…

7 days ago