शिवसेना उपजिल्हाप्रमुख भरत भाऊ आवताडे यांनी गटबाजीला कंटाळून दिला राजीनामा

करमाळा प्रतिनिधी करमाळा तालुक्यात शिवसेना पक्षात मोठ्या प्रमाणात गटबाजी असल्याने या गटबाजीला कंटाळून आपण शिवसेना उपजिल्हाप्रमुख पदाचा राजीनामा दिला असल्याचे मत भरत भाऊ आवताडे यांनी पत्रकार परिषदेत व्यक्त केले. यावेळी बोलताना ते म्हणाले की शिवसेना पक्षाचा कुठलाही कार्यक्रम घ्यायचा असेल तर आपल्या पक्षातील स्थानिक पदाधिकार्यांचा विरोध होत असल्यामुळे पक्षवाढीसाठी कुठल्याही प्रकारचे काम न करता आल्यामुळे करमाळा तालुक्यात शिवसैनिकांची अवस्था अत्यंत बिकट झाली आहे. शिवसेनेचा नेता कोण हे कोणालाही सांगता येत नाही. 2019 मध्ये झालेल्या विधानसभा निवडणुकीत शिवसेनाभवनमधून सोलापूर जिल्हाप्रमुख ,उपजिल्हाप्रमुख, सर्व तालुकाध्यक्ष यांना मुंबईला मिटिंगसाठी बोलवले असताना जिल्हाप्रमुखांनी करमाळयातील पदाधिकाऱ्यांनी याबाबत आम्हााला सांगितले नाही . आम्हाला विचारात घेतले नाही इंधन दरवाढीच्या विरोधात जेव्हा आंदोलन झाले त्यावेळीही सुद्धा मोठ्या प्रमाणात गटबाजी झाली पक्ष ज्याला विधानसभेची उमेदवारी देईल त्याचे काम करायचे असे असताना शिवसेनेची उमेदवारी रश्मी दिदी बागल यांना मिळाली. आम्ही पदाधिकारी उपजिल्हाप्रमुख भरत अवताडे तालुकाप्रमुख सुधाकर काका लावंड, तालुका संघटक संजय शिंदे एवढ्याच पदाधिकाऱ्यांनी विधानसभेला एकनिष्ठेने काम केले ‌इतर पदाधिकाऱ्यांनी विधानसभेला बंडखोरी करून विरोधात असणाऱ्या उमेदवाराचा प्रचार केला सध्याच्या परिस्थितीमध्ये आज तेच लोक राज्यात शिवसेनेची सत्ता आल्यानंतर आम्हाला डावलून ‌ पक्षाचे अधिकृत पद नसतानाही स्वतः पद असल्याचे सांगून पदाधिकारी म्हणून मिरवत आहेत त्यांना पक्षाची काही देणेघेणे नाही. माझ्या शिवसेनेच्या कारकीर्दीत कोरोना महामारी च्या काळामध्ये नागरिकांच्या आरोग्याची काळजी घेऊन आरोग्याचा महायज्ञ म्हणून शिवजयंती सामाजिक उपक्रमाने मोठ्या प्रमाणात साजरी केली. आम्ही इमानेइतबारे काम करून सुद्धा शिवसेनेचे इतर पदाधिकारी मात्र आमच्याबरोबर निष्ठेने काम न करता विरोधात काम करत असल्यामुळे शिवसेना करमाळा तालुक्यात फक्त नावाला राहिली आहे. तालुक्यात कुठलेही प्रकारचे संघटन नाही. त्यामुळे करमाळा तालुक्यामध्ये शिवसेनेचा एकही मोठा मेळावा झाला नाही याचे मुख्य कारण गटबाजीच आहे. आपली माणसे आपल्याच माणसाची पाय वाढण्याचे काम करत आहेत. आपल्याच माणसांबरोबर माझी लढण्याची आता इच्छा नाही. नुसती पेपरबाजी करायची कार्यक्रमापुरते आपण एकत्र असल्याचे दाखवायचे हे प्रकारचे काम न करता फक्त स्वतःच्या नावासाठी वैयक्तिक फायद्यासाठी शिवसेना पक्षाचा उपयोग करीत आहेत. आपण स्वाभिमानी प्रामाणिक सच्चा शिवसैनिक असल्यामुळे करमाळा तालुक्यातील शिवसेना पक्षातील गटबाजीला कंटाळून व शिवसेना पक्षाच्या कामाला योग्य न्याय न मिळाल्याने मी स्वखुशीने राजीनामा दिलाअसल्याचे उपजिल्हाप्रमुख भरत भाऊ आवताडे यांनी सांगितले.