करमाळा प्रतिनिधी श्री मकाई कारखाना बंद पाडण्याचा विरोधकांचा डाव असुन तो डाव हाणून पाडण्यासाठी शेतकऱ्यांचे हित जोपासण्यासाठी मकाईचे चेअरमन दिग्विजय बागल यांची भुमिका योग्य असुन स्व.दिगंबरराव बागल यांच्या रक्तातच स्वाभीमानी असल्याने आम्ही बाहेरच्या लोकांची दादागिरी खपवून घेणार नाही असे मत बागल गटाच्या नेत्या सौ. रश्मी दिदी बागल यांनी व्यक्त केले. श्री मकाई सहकारी साखर कारखान्यावर स्वाभिमानी शेतकरी संघटनेच्या कार्यकर्त्यांनी स्टंटबाजी करत आंदोलन केले.या आंदोलनामध्ये शेतकरी संघटनेचे कार्यकर्ते व श्री मकाई कारखान्याचे चेअरमन दिग्विजय बागल यांच्यामध्ये शाब्दिक चकमक झाली.व शेतकरी संघटनेच्या कार्यकर्त्यांनी कारखान्याच्या विरोधात मागील एफ आर पीच्या नावाखाली दादागिरी करून अर्वाच्च भाषा वापरल्याने स्वाभीमानी शेतकरी संघटनेचे जिल्हा अध्यक्ष विजय सोनवणे यांना दिग्विजय बागल यांनी कारखान्याबाबतीत जाब विचाराला असता झालेल्या घटनेचा शेतकरी संघटनेने या गोष्टीचा बाऊ करून दिग्विजय बागल यांच्यावर कारवाई करण्यासाठी स्वाभिमानी शेतकरी संघटनेचे नेते रवींद्र तुपकर यांच्या नेतृत्वाखाली मोर्चा काढून मागील एफ आर पी आठ दिवसात जमा न केल्यास तीव्र आंदोलन करण्याचा इशारा दिला आहे. एकंदर सगळी परिस्थिती पाहता करमाळा तालुक्यात उसाचे क्षेत्र प्रचंड प्रमाणात असून गाळप करण्यासाठी कारखान्यांमध्ये स्पर्धा लागली असून जर कारखाना व्यवस्थित चालला तर करमाळा तालुक्यातील शेतकऱ्यांचा ऊस गाळप होईल एकतर कोरोनामुळे दोन वर्षांमध्ये शेतकरी देशोधडीला लागला आहे. केवळ राजकारणाचा भाग म्हणून आदिनाथ प्रमाणे मकाई कारखाना बंद पाडण्याचा विरोधकांचा डाव असल्याचे बागल गटाच्या स्वाभिमानी नेत्या रश्मी दिदी बागल यांनी स्वाभीमानी शेतकरी संघटनेचे संस्थापक खा.राजू शेट्टी यांना सांगितले आहे. विरोधकाच्या कटकारस्थानाला व भूलथापांना बळी पडून सर्वसामान्य शेतकरी ऊस तोड कामगार तोडणी वाहतूकदार कारखान्याचे कर्मचारी यांच्या प्रपंचाची होळी करण्याचे महापाप कोणीही करू नये . आम्ही आमची मालमत्ता गहाण ठेवून कारखान्याला आर्थिकसाह्य मिळवून शेतकऱ्यांसाठी सर्वस्व पणाला लावले असून करमाळा तालुक्यातील शेतकरी स्वाभिमानी असून मकाई कारखाना सर्वसामान्य शेतकरी यांच्या पाठबळावर उभा असून शेतकऱ्यांचे हित जोपासुन त्यांच्या ऊसाला योग्य दिला आहे.हा कारखाना शेतकरी सभासदांचा असून तो कारखाना यशस्वीपणे गाळप करून तालुक्यात सर्वसामान्य शेतकऱ्याला न्याय देण्यासाठी कार्यरत राहणार आहे.
करमाळा प्रतिनिधी काँग्रेस इंडी आघाडी आणि डाव्या पक्षांकडून भारतीय जनता पक्षाविरोधात खोटा प्रचार करून पक्षाची…
करमाळा प्रतिनिधी करमाळा तालुक्याची दुष्काळ निवारण व पाणीटंचाई आढावा बैठक आमदार. नारायण( आबा) पाटील यांचे…
करमाळा : प्रतिनिधी मेहनत, जिद्द, सातत्यपूर्ण अभ्यास आणि ध्येयाप्रती असलेल्या निष्ठेच्या जोरावर डॉ. अजिंक्य रविकिरण…
करमाळा प्रतिनिधी उजनी धरणावर प्रस्तावित तरंगता सौर ऊर्जा प्रकल्प, ग्रीन हायड्रोजन प्रकल्प, एआय डेटा…
करमाळा, प्रतिनिधी : ग्लोबल सायन्स इन्स्टिट्यूट, करमाळा यांचे संस्थापक अध्यक्ष प्रा. डॉ. महेश मच्छिंद्र…
करमाळा प्रतिनिधी अखिल भारतीय क्षत्रिय महासभा या संघटनेच्या सोलापूर जिल्हाध्यक्षपदी करमाळा येथील नरेंद्रसिंह ठाकुर यांची…