करमाळा प्रतिनिधी
करमाळा तालुक्यातील अर्जुननगर, निंभोरे व विहाळ येथील पाटबंधारे विभागाच्या साठवण तलावात गेलेल्या जमिनींचा भूसंपादन मोबदला वर्षानुवर्षांपासून शेतकऱ्यांना मिळालेला नव्हता. संबंधित विषयी पाटबंधारे विभागाला पत्र देऊन व त्याचा सातत्याने पाठपुरावा केल्यामुळे या 3 गावांसाठी 5 कोटी 5 लाख निधी मंजूर झाला असल्याची माहिती आमदार संजयमामा शिंदे यांनी दिली.साठवण तलाव अर्जुननगर, विहाळ व निंभोरे या तलावामध्ये बाधित झालेल्या जमिनीचा मावेजा अनेक वर्षांपासून शेतकऱ्यांना मिळालेला नव्हता. मा.आमदार संजयमामा शिंदे यांच्या पाठपुराव्यामुळे साठवण तलाव अर्जुननगर या तलावाच्या भूसंपादन साठी रु 79.48 लक्ष, साठवण तलाव निंभोरे या तलावाच्या भूसंपादनासाठी 1 कोटी 81 लक्ष व साठवण तलाव विहाळ या तलावाच्या भूसंपादनसाठी 2 कोटी 45 लक्ष असा एकूण 5 कोटी 5 लाख निधी मिळालेला आहे. संबंधित शेतकऱ्यांना शेतकऱ्यांनी कागदपत्राची पूर्तता केल्यानंतर या निधीचे वाटप केले जाईल अशी माहिती
अ.चं. कदम, जिल्हा जलसंधारण अधिकारी. यांनी निवेदनाद्वारे दिली.
चौकट…
आ. संजयमामा शिंदे यांचे मनापासून आभार – रवींद्र वळेकर
आमच्या निंभोरे गावातील साठवण तलाव जवळपास 20 वर्षांपूर्वी झालेला होता. सदर तलावात 22 शेतकऱ्यांची 9 हेक्टर 26 आर जमीन गेलेली होती. तेव्हापासून शेतकरी भूसंपादनाच्या मोबदल्यापासून वंचित होते. या प्रलंबित प्रश्नात लक्ष घालण्याची मागणी आ. संजयमामा शिंदे यांच्याकडे केली.मामांनी तात्काळ जलसंधारण विभागाकडे पाठपुरावा केल्यामुळे निंभोरे येथील तलावासाठी 1 कोटी 81 लाख रुपयांचा निधी मंजूर झाला आहे .याबद्दल आमचे सर्व ग्रामस्थ आमदार शिंदे यांचे मनापासून आभारी आहेत.
करमाळा प्रतिनिधी भारतीय संस्कृतीत गोमातेला अत्यंत पवित्र आणि पूजनीय स्थान असून, गोसेवा ही श्रद्धा, संस्कार…
करमाळा प्रतिनिधी निमगाव (टें.) येथील आदर्श सरपंच तथा विठ्ठल कॉर्पोरेशनचे कार्यकारी संचालक श्री. यशवंत संजयमामा…
करमाळा प्रतिनिधी करमाळा येथील कमलाभवानी बहुउद्देशीय संस्थेचे अध्यक्ष तथा सुरताल संगीत विद्यालयाचे प्राचार्य श्री. बाळासाहेब…
करमाळा प्रतिनिधी करमाळा शहरातील दगडी रोड येथील रहिवासी शारदा सुरेश पिसे (वय ७१) यांचे अल्पशा…
करमाळा प्रतिनिधी काँग्रेस इंडी आघाडी आणि डाव्या पक्षांकडून भारतीय जनता पक्षाविरोधात खोटा प्रचार करून पक्षाची…
करमाळा प्रतिनिधी करमाळा तालुक्याची दुष्काळ निवारण व पाणीटंचाई आढावा बैठक आमदार. नारायण( आबा) पाटील यांचे…