करमाळ्यात महाराष्ट्र दिनानिमित्त विविध कार्यक्रम संपन्न

करमाळा प्रतिनिधी :- ०१ मे महाराष्ट्र दिनानिमित्त करमाळा येथे छत्रपती शिवाजी महाराज यांच्या पुतळ्याचे पूजन करून मुंबईसह संयुक्त महाराष्ट्रासाठी बलिदान दिलेल्या हुतात्म्यांना शिवसेना महिला तालुका प्रमुख तथा शिवकन्या सुरक्षा समितीच्या संस्थापिका प्रियांका गायकवाड व त्यांच्या सर्व शिवकन्या फिटनेस क्लब च्या महिलांनी आदरांजली वाहून विविध कार्यक्रमांचे आयोजन केले होते.
यावेळी प्रियांका गायकवाड यांनी सांगितले की, महाराष्ट्र दिनाचे औचित्य साधून करमाळा येथे महिलांसाठी या मराठमोळ्या कार्यक्रमाचे आयोजन केले होते. ०१ मे रोजी साजरा होत असलेला महाराष्ट्र दिन हा सर्व मराठी बांधवांसाठी आपल्या पूर्वजांनी केलेल्या जीवन त्यागाचे व मराठी अस्मितेच्या अभिमानाची साक्ष व स्मरण करून देणारा दिवस आहे. त्यामुळे आजचा हा दिवस शिवकन्या सुरक्षा समितीच्या वतीने उत्साहपूर्ण वातावरणात साजरा केला व यापुढेही मराठी अस्मितता व मराठी संस्कृती जोपासण्याचा आम्ही सर्व समितीच्या महिला प्रयत्न करून पुढील काळात मोठा कार्यक्रम आयोजित करणार असल्याचे ही गायकवाड यांनी सांगितले.
सदर कार्यक्रम प्रसंगी सर्व महिलांनी एकसारखा पोशाख परिधान केला होता. अनेक महिलांनी महाराष्ट्रा वरील गौरव गीते गाऊन मराठी अस्मिततेचा बाणा गीतातून सदर केला तसेच मराठी गाण्यावरील सांस्कृतिक कार्यक्रम सादर केले. याप्रसंगी उपस्थित महिलांना मंजिरी जोशी यांनी संपूर्ण बॉडी मसाज, थेरपी व विविध आजारांवरील ऍक्युप्रेशर पॉईंट बाबत संपूर्ण प्रशिक्षण दिले.
यावेळी प्रज्ञा जोशी, शुभांगी खळदकर, मनिषा माळवदकर, प्राची ठेंगडे, शैलजा मेहेर, मंजिरी जोशी, वर्षा वाघावकर, तृप्ती धिंदाळे, राणी गापाट, माधुरी पवार, वर्षा विधाते, सुमन बडेकर, लता खळदकर, आदी महिला उपस्थित होत्या.